"تابيعات" ەكولوگيالىق وداعىنىڭ ليدەرى مەلس ەلەۋسىزوۆ قازاقستان پرەزيدەنتى سايلاۋىنا ءۇشىنشى مارتە قاتىسۋعا دايىن. بۇل تۋرالى ول كتك تەلەارناسىنا بەرگەن سۇقباتىندا مالىمدەدى.

"سايلاۋعا ءوزىم تۇسەمىن. ەگەر مەنى قازىر وتكىزبەسە، وزىمە ۇنايتىن كانديداتتىڭ كومانداسىنا قوسىلامىن. قالاي بولعاندا دا مەن بۇل سايلاۋعا قاتىسامىن. قاجەت بولسا، وڭىرلەردى ارالاپ، ۇگىت-ناسيحات جۇمىستارىن ءوزىم جۇرگىزەمىن", - دەدى ەلەۋسىزوۆ.

ول پرەزيدەنت تاعىنا تالاسۋعا زاڭدى قۇقىعى بار ەكەنىن ايتىپ، ءوزىنىڭ قوعامدىق ۇيىمى 90-شى جىلداردىڭ باسىندا تىركەلگەنىن ەسكە سالدى.

ايتا كەتسەك، مەلس ەلەۋسىزوۆ قازاقستان پرەزيدەنتى سايلاۋىنا ەكى مارتە ءتۇستى: 2005 جىلى 0,28% داۋىس جيناسا، ال 2011 جىلى – 1,15%. 2011 جىلعى سايلاۋدا ول نۇرسۇلتان نازارباەۆقا داۋىس بەرىپ، جۋرناليستەرگە بيۋللەتەنىن كورسەتكەن ەدى.

قازاقستاندا كەزەكتەن تىس پرەزيدەنت سايلاۋى 9 ماۋسىمدا وتەدى. پرەزيدەنتتىككە كانديداتتاردى ەلىمىزدە تىركەلگەن ساياسي پارتيالار مەن رەپۋبليكالىق قوعامدىق بىرلەستىكتەر ۇسىنۋعا قۇقىلى. ۇمىتكەرلەردى ۇسىنۋ 10 ساۋىردە باستالدى، ەندى ول 28 ءساۋىر 18:00-گە دەيىن جالعاسادى.