الماتى قالاسى ۋربانيستيكا باسقارماسىنىڭ باسشىسى ۇستالدى

الماتى قالاسى قالالىق جوسپارلاۋ جانە ۋربانيستيكا باسقارماسىنىڭ باسشىسى الماسحان احمەدجانوۆ ۇستالدى، دەپ حابارلايدى "ادىرنا" ۇلتتىق پورتالى.

«سىبايلاس جەمقورلىق ىستەرىنە قاتىستى جۇرگىزىلگەن سىرتقى تالداۋ ناتيجەلەرى بويىنشا انتيكور الماتى قالاسىنىڭ جەر قاتىناستارى سالاسىنداعى جۇيەلى جەمقورلىق فاكتىلەرى بويىنشا قىلمىستىق ىستەردى تىركەپ، تەرگەدى. قالالىق جوسپارلاۋ جانە ۋربانيستيكا ءبولىمىنىڭ باسشىسى جەر تەلىمدەرىن بەرۋ جانە نىساندار قۇرىلىسىنا رۇقسات بەرۋ كەزىندە قىزمەتتىك وكىلەتتىكتەرىن اسىرا پايدالاندى دەگەن كۇدىككە ءىلىندى. وسىلايشا، ول ماقساتتى تاعايىندالعانىنا قاراماستان جانە عيماراتتاردىڭ تىعىزدىعىن ەسكەرمەي، جەكە تۇرعىن ءۇي قۇرىلىسىنا ارنالعان جەر تەلىمدەرىندە 2020-2023 جىلدارى جەكە قۇرىلىس ۇيىمدارىنىڭ مۇددەسى ءۇشىن ءۇش كوپپاتەرلى تۇرعىن ءۇي كەشەنىن سالۋعا زاڭسىز رۇقسات بەرگەن. بۇل تۋرالى سارسەنبىدە سىبايلاس جەمقورلىققا قارسى قىزمەت حابارلادى. ناتيجەسىندە، «سىبايلاس جەمقورلىققا قارسى ءىس-قيمىل» بويىنشا مەملەكەتكە جەر تەلىمدەرىنىڭ تولەنبەگەن كاداسترلىق قۇنى تۇرىندە 307 ملن. تەڭگەدەن استام شىعىن كەلتىرىلگەن. «سونىمەن قاتار، 2020 جىلى مەديتسينالىق پۋنكت پەن حقكو قۇرىلىسىنا زاڭسىز رۇقسات بەرە وتىرىپ (ينۆەستيتسيالىق جوبالاردى جۇزەگە اسىرۋ جەلەۋىمەن) جەر تەلىمدەرىن باعالانباعان باعامەن مۇددەلى تۇلعالاردىڭ جەكە مەنشىگىنە ودان ءارى نەگىزسىز بەرۋگە ىقپال ەتكەن. كەلتىرىلگەن شىعىن 180 ميلليون تەڭگەنى قۇراپ، كۇدىكتى سوت سانكتسياسىمەن قاماۋعا الىندى. سوتقا دەيىنگى تەرگەۋ امالدارى جۇرگىزىلۋدە، باسقا دا لاۋازىمدى تۇلعالاردىڭ قاتىسى بار-جوعى تەكسەرىلۋدە»، - دەپ تولىقتىردى ۆەدومستۆو.

"ادىرنا" ۇلتتىق پورتالى