جول-كولىك وقيعاسى: جانتۇرشىگەرلىك اپاتتان 4 ادام كوز جۇمدى

الماتى-وسكەمەن تاس جولىنىڭ 453-شاقىرىمىندا ءتورت ادامنىڭ ءومىرىن قيعان جان تۇرشىگەرلىك جول اپاتى بولدى، دەپ حابارلايدى “ادىرنا”. بۇل تۋرالى جەتىسۋ وبلىستىق پد ءباسپاسوز قىزمەتى مالىمدەدى. «38 جاستاعى Hyundai Veracruz جۇرگىزۋشىسى باسىپ وزۋ مانەۆرىن جاساپ، ءرۋلدى باسقارا الماي، DAF FTXF 105 تراكتورىمەن سوقتىعىستى، سودان كەيىن ول ينەرتسيا سالدارىنان سول باعىتتا كەلە جاتقان Volkswagen Passat كولىگىمەن سوقتىعىستى»، - دەلىنگەن حابارلامادا. وقيعا ورنىندا Hyundai Veracruz كولىگىنىڭ جۇرگىزۋشىسى مەن ونىڭ ءۇش جولاۋشىسى  كوز جۇمدى. اتالعان كولىكتەگى تاعى ءۇش بالا ءتۇرلى دەنە جاراقاتتارىمەن وبلىستىق اۋرۋحاناعا جاتقىزىلدى. اتالعان فاكتى بويىنشا سوتقا دەيىنگى تەرگەۋ باستالىپ، قاجەتتى ساراپتامالار تاعايىندالدى. وبلىس پوليتسەيلەرى جول قوزعالىسىنىڭ بارلىق قاتىسۋشىلارىن قازاقستان رەسپۋبليكاسىنىڭ جول قوزعالىسى ەرەجەلەرىن قاتاڭ ساقتاۋعا شاقىرادى. جول قاتەلىكتى كەشىرمەيتىنىن ەستەن شىعارماڭىز!