شىمكەنتتەگى "باتىر بابالار ساپ تۇزەگەن" كوپقاباتتى تۇرعىن ءۇي جۇرتتى ءسۇيسىنتتى. سەبەبى تۇرعىندار ءۇيدىڭ قابىرعاسىنا قازاقتىڭ ءور رۋحتى باتىرلارى مەن قالىقتاعان قىراننىڭ سۋرەتتەرىن ءىلىپ قويعان، دەپ حابارلايدى "ادىرنا" ۇلتتىق پورتالى otyrar.kz-كە سىلتەمە كورسەتە وتىرىپ.
كوپقاباتتى بۇل ءۇي ا.بايتۇرسىنوۆ كوشەسى بويىندا ورنالاسقان. ناۋقاستىڭ شاقىرتۋىمەن ۇيگە كەزدەيسوق كەلگەن جەدەل جاردەم قىزمەتكەرى پودەزد ءىشىن ۆيدەوعا ءتۇسىرىپ الىپ، جەلى پاراقشاسىندا جاريالادى.«مەن جەدەل جاردەمدە ىستەيمىن. نەشە ءتۇرلى پودەزد بەن ۇيلەردى كورەمىن. بىراق مىنانداي ءۇيدى ءبىرىنشى رەت كورىپ تۇرمىن. وسى ءۇي تۇرعىندارىنا ريزا بولدىم. اللانىڭ نۇرى جاۋسىن! وسى ارقىلى ءبىزدىڭ وسكەلەڭ ۇرپاق، بولاشاعىمىز باتىرلارىن تانيدى. مىنە، قاراشى! ناۋرىزباي باتىر، جانقوجا باتىر، بايان باتىرىمىز. وڭشەڭ مىقتى تۇلعالاردىڭ سۋرەتىن ءىلىپ قويعان. سىرىم باتىر، ساۋرىق باتىر، سىپاتاي باتىر، قاراساي باتىر! وتە ريزا بولدىم. مىناۋ ناعىز باتىرىمىز – جانىبەك باتىر»،-دەيدى اۆتور.ۆيدەونى كورگەن جەلى قولدانۋشىلارى تاريحتى ۇمىت قالدىرماي، باتىرلارىمىزدى ۇلگى تۇتقان تۇرعىندارعا ءدان ريزا بولدى. «كەرەمەت»، «نە شىقسا دا شىمكەنتتەن شىعادى دەسەڭىزدەرشى»، «وسىنى جاساعان كىسىلەرگە اللا رازى بولسىن! ءوسىپ كەلە جاتقان جاس ۇرپاققا قانشاما ۇلگى، ونەگە بولىپ تۇر»، «جارايسىڭدار»، «بۇل ۇيدە تاريح نەمەسە ادەبيەت ءپانىنىڭ مۇعالىمى تۇرادى-اۋ»، «ءۇش ءجۇزدىڭ باتىرلارى باس قوسقان ءۇي دەسەڭىزشى. جارايسىزدار»، «كەرەمەت، دەمەك كوزى اشىق، باتىرلاردى قۇرمەتتەيتىن ادامدار تۇرادى ەكەن» دەپ جازدى جەلى قولدانۋشىلارى. پىكىر قالدىرعانداردىڭ ءبىرى ءوزى وسى ۇيدە تۇراتىنىن العا تارتقان. ال باتىرلاردىڭ پورترەتتەرىن كىرەبەرىسكە رينات ەسىمدى كورشىسى ىلگەنىن اتاپ وتكەن.
"ادىرنا" ۇلتتىق پورتالى
شىمكەنت قالاسى
وڭتۇستىك قازاقستان
ەر جانىبەك
سۇرانشى باتىر
ساۋرىق باتىر
قاراساي باتىر
قابانباي باتىر
