ءتورت ازاماتتىڭ ۇشەۋى جەرتولەدە كوز جۇمدى، ال 17 جاستاعى بوزبالا اۋرۋحاناعا بارا جاتقان جولدا قايتىس بولدى
اقمولا وبلىسىندا تاجىكستاننىڭ ءتورت ازاماتى بۇزىلعان كارتوپتىڭ يىسىنە ۋلانىپ ءولدى.
دەرجاۆين قالاسى جارقايىڭ اۋدانىندا بەيسەنبى كەشكە 1971, 1975, 1981 جىلعى ءۇش ەر ادام جانە 17 جاستاعى بوزبالا جەر ءۇيدىڭ جەرتولەسىنە كارتوپ الماق بوپ تۇسەدى. ۇشەۋى سول مەزەتتە بىردەن كوز جۇمدى، دەپ حابارلايدى ىشكى ىستەر مينيسترلىگىنىڭ توتەنشە جاعدايلار كوميتەتى.
"ۇشەۋى وقيعا ورنىندا كوز جۇمعان، ال بوزبالا اۋرۋحاناعا بارار جولدا مەرت بولدى. مارقۇمدار - تاجىكستان رەسپۋبليكاسىنىڭ ازاماتتارى. الدىن الا جاسالعان بولجام بويىنشا، ولار شىرىگەن كارتوپتىڭ يىسىنە تۇنشىعىپ ءولدى", - دەلىنگەن حابارلامادا.
وسى ايدىڭ باسىندا عانا تۋرا وسىنداي قايعىلى وقيعا الماتى وبلىسىندا بولعان ەدى. تەكەس اۋىلىندا ءتورت ادام ۋلانىپ، ونىڭ ءبىرى مەرت بولعان. الدىن الا جاسالعان بولجام بويىنشا، جەرتولە بۇزىلعان كارتوپتان شىققان ۋلى گازعا بوگىپ تۇرعان، ولار سودان تۇنشىققان.
