تۇركىستاندا ايەل جوعالىپ كەتكەن كۇيەۋىن ءولتىردى دەگەن كۇدىككە ءىلىندى

3110
Adyrna.kz Telegram
https://adyrna.kz/content/uploads/2023/08/img_2009.jpeg
تۇركىستان وبلىسىندا ايەل جوعالىپ كەتكەن كۇيەۋىن ءولتىردى دەگەن كۇدىككە ءىلىندى. بۇل تۋرالى ىشكى ىستەر مينيسترلىگىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«12 تامىز كۇنى تۇركىستان وبلىسى سارىاعاش اۋدانىنىڭ پوليتسياسىنا جەرگىلىكتى تۇرعىننان ەكى كۇن بۇرىن 38 جاستاعى ءىنىسى جوعالىپ كەتكەنى تۋرالى حابارلاما كەلىپ ءتۇستى. اۋداندىق پوليتسيا ءبولىمىنىڭ بارلىق جەكە قۇرامى جوعالعان تۇرعىندى ىزدەۋگە جۇمىلدىرىلدى. جەدەل-ىزدەستىرۋ شارالارىن جۇرگىزگەن پوليتسەيلەر وتباسىلىق جانجالدان كەيىن كۇيەۋىن ءولتىردى دەگەن كۇدىكپەن اۋداننىڭ تۇرعىنىن انىقتاپ، ۇستادى. زاتتاي دالەلدەمەلەر تاركىلەندى»،—دەلىنگەن حابارلامادا.
كۇدىكتى ايەل ۋاقىتشا ۇستاۋ يزولياتورىنا قامالدى. قايعىلى جاعداي بولعان وتباسى ىشكى ىستەر ورگاندارىندا ەسەپتە تۇرماعان جانە وتباسىلىق جانجال بويىنشا بۇرىن پوليتسياعا جۇگىنبەگەن. قازىرگى ۋاقىتتا قر قك-ءنىڭ 99-بابى 2-بولىگىمەن "كىسى ءولتىرۋ" سوتقا دەيىنگى تەرگەۋ امالدارى جۇرگىزىلۋدە جانە بولعان وقيعانىڭ تولىق ءمان-جايى انىقتالۋدا.
پىكىرلەر