پوليتسيا جۋرناليست ساندۋعاش دۇيسەنوۆانى جالاڭاش كۇيىندە ۆيدەوعا ءتۇسىرىپ العان

3468
Adyrna.kz Telegram
https://adyrna.kz/content/uploads/2023/08/8cf9fb30-c3e1-4c4a-95eb-d251fd25068b.jpeg

قازاقستان پوليتسياسى جۋرناليست ساندۋعاش دۇيسەنوۆانى جالاڭاش كۇيىندە ۆيدەوعا ءتۇسىرىپ العان. بۇل تۋرالى  جۋرناليست سامال قابىشەۆا الەۋمەتتىك جەلىسىنە جاريالادى، دەپ حابارلايدى “ادىرنا” ۇلتتىق پورتالى.

ساندۋعاشتى نە ءۇشىن قامادى؟ ايتسام، كۇلەسىزدەر... ساندۋعاش جالعان اقپارات جازىپ، نە بولماسا بىرەۋدەن اقشا الىپ، ۇستالعان جوق. ونداي يتتىك جاساسا مەن دە بۇل جەردە سىزدەرگە ونى جاقتاپ،  شىرىلداماس ەدىم. سونىمەن، نە ءۇشىن ساندۋعاشتى قامادى. بار بولعانى ساندۋعاش ادام ولتىرگەن قىلمىسكەردىڭ اقپاراتىن جاريالاعان. جانە جسن-ءى كورسەتىلگەن دەيدى. سول تۇرمەدە ادام ءولتىرىپ، 16 جىلعا سوتتالعان ادام مەنىڭ جەكە اقپاراتىمدى جاريالادى دەپ، ارىز جازىپتى. ءبىزدىڭ پوليتسيا قىلمىسكەردىڭ ارىزى نەگىزىندە ساندۋعاشتى ۇستاپ،  بىراق قاماعان. ءىش كيىمىن شەشتىرىپ، ۆيدەوعا تۇسىرگەن. مەن بۇل ارەكەتتى ساندۋعاشتىڭ ساعىن سىندىرۋعا جاسالعان ءىس دەپ تۇسىنەمىن، - دەدى جۋرناليست.

سامال قابىشەۆانىڭ ايتۋىنشا،  جسن-ءى  تاراعانى ءۇشىن ارىز جازعان ادام بۇل ساتكە دە ءمان بەرمەۋى مۇمكىن دەپ ەسەپتەيدى. ونىڭ ويىنشا، جۋرناليستتەن كەك الماق بولعان ادام بار بولۋى مۇمكىن.

«پرەزيدەنتىمىز توقاەۆتان ساندۋعاش ءىسىن جەكە باقىلاۋىنا الۋىن سۇرايمىن. قوعامداعى ادىلەتسىزدىكپەن كۇرەسكەن ادام بىرەۋدىڭ كەك الۋى ءۇشىن بۇلاي ازاپ شەكپەۋى كەرەك. ول تۇرمەدە بولماۋى كەرەك، بۇل جەر وعان ارنالماعان. ول - قىلمىسكەر ەمەس. ول - كىسى ءولتىرۋشى ەمەس. ول قوعام قايراتكەرى. ول ادىلەتسىزدىككە شىداي المايدى»، – دەپ جازادى سامال قابىشەۆا.

ەسكە سالايىق، 11 تامىزدا تالدىقورعان پوليتسياسى جۋرناليست ساندۋعاش دۇيسەنوۆانى ۇستادى. پوليتسيا ونى "جەكە ومiرگە قولسۇقپاۋ جانە دەربەس دەرەك پەن ولاردى قورعاۋ تۋرالى زاڭنامانى بۇزۋ" (147-باپ) بابى بويىنشا ايىپتاعان.

پىكىرلەر