قوستاناي وبلىسىندا پوليتسيا قىزمەتكەرى ايەلىن ءولتىردى دەگەن كۇدىككە ءىلىندى، دەپ حابارلايدى «ادىرنا» ءتىلشىسى.
وبلىستىق پوليتسيا دەپارتامەنتىنىڭ ايتۋىنشا، مارقۇم ايەل دە قۇقىق قورعاۋ ورگاندارىندا جۇمىس ىستەگەن.
«ايەلدىڭ دەنەسى 1 قاراشا كۇنى تاڭەرتەڭ ءوز ءۇيىنىڭ اۋلاسىنان تابىلدى. ونى ءولتىردى دەگەن كۇدىككە پوليتسەيدىڭ جۇبايى ءىلىنىپ وتىر. ەرلى-زايىپتى اجىراساتىن ۋاقىتتى كۇتىپ جۇرگەن»،—دەدى باسقارمانىڭ ءباسپاسوز قىزمەتى.
اتالعان فاكتى بويىنشا قىلمىستىق كودەكستىڭ 99-بابى «ادام ءولتىرۋ» بويىنشا قىلمىستىق ءىس قوزعالدى. ەر ادام ۋاقىتشا ۇستاۋ يزولياتورىنا قامالدى. وقيعانىڭ ءمان-جايىن انىقتاۋ ءۇشىن قاجەتتى تەرگەۋ ارەكەتتەرى جۇرگىزىلۋدە.
