شىمكەنت قالاسىندا اۋداندىق پوليتسيا ءبولىمىنىڭ باستىعى ءوز ارىپتەسىن زورلادى دەگەن كۇدىكپەن تەرگەۋگە الىندى، دەپ حابارلايدى "ادىرنا" ۇلتتىق پورتالى ينفورمبيۋروعا سىلتەپ.
قازىرگى ۋاقىتتا پوليتسيا دەپارتامەنتى اتالعان وقيعاعا قاتىستى تەرگەۋ جۇمىستارىن باستاپ كەتتى. وقيعانىڭ تولىق ءمان-جايى ازىرگە جاريا ەتىلمەدى. بەيرەسمي دەرەكتەرگە سايكەس، جابىرلەنۋشى كۇدىكتى پوليتسەيدىڭ قاراماعىندا جۇمىس ىستەگەن جانە قازىر جۇكتىلىكتىڭ العاشقى كەزەڭىندە بولۋى
الايدا اقپارات رەسمي راستالماعان.
شىمكەنت قالالىق پوليتسيا دەپارتامەنتى كۇدىككە ىلىنگەن پوليتسەيدىڭ قىزمەتىنەن ۋاقىتشا شەتتەتىلگەنىن حابارلادى. سونىمەن قاتار، ىشكى قاۋىپسىزدىك باسقارماسى دا قىزمەتتىك تەكسەرىس جۇرگىزىپ جاتىر.
«قر قىلمىستىق-پروتسەستىك كودەكسىنىڭ 201-بابىنا سايكەس، تەرگەۋ مۇددەسىنە بايلانىستى باسقا اقپارات جاريالاۋعا جاتپايدى»، – دەلىنگەن شىمكەنت قالالىق پد حابارلاماسىندا
