باس قالادا كىشكەنتاي قىزعا قول كوتەرگەن تۋىسىنا اكىمشىلىك ءىس قوزعالدى، دەپ حابارلايدى “ادىرنا” ءتىلشىسى.
الەۋمەتتىك جەلىنى مونيتورينگىلەۋ بارىسىندا بەلگىسىز بويجەتكەننىڭ كامەلەتكە تولماعان قىزدى ۇرىپ جاتقان بەينەجازباسى جەلدەي ەستى. ەرەسەك ادام كىشكەنتاي قىزعا ايقايلاپ، ۇرىپ، ءتىپتى سوڭىندا تەپكەن.
بەلگىلى بولعانىنداي، 14 تامىز كۇنى تاڭعى ۋاقىتتا 5 جاسار قىز بالا بالاباقشاعا بارعىسى كەلمەگەندىكتەن 17 جاستاعى تۋىسى ونىڭ بۇل ارەكەتىنە نارازىلىق بىلدىرگەن.
الەۋمەتتىك جەلىدە تاراعان بەينەجازبادا كوپ وقىرمان قىزعا قول كوتەرگەن ونىڭ اناسى دەپ ويلادى. الايدا كەيىننەن بەلگىلى بولعانداي ولار تۋىس بولىپ شىققان.
قازىر بويجەتكەنگە قاتىستى اقبتك-ءنىڭ 73-2-بابى 1-بولىگى «ۇرىپ-سوعۋ» بويىنشا اكىمشىلىك ءىس قوزعالعان.
«قىز بالانىڭ زاڭدى وكىلدەرى بولعان وقيعانى ءارى قاراي تالقىلاۋدان باس تارتتى. ولارعا بالالار پسيحولوگىمەن جۇمىس ۇسىنىلدى»،-دەلىنگەن حابارلامادا.
الەۋمەتتىك جەلى قولدانۋشىلارى وقيعا ەلورداداعى «فلامينگو» تۇرعىن ءۇي كەشەنىنىڭ جانىندا بولاعانىن جازعان.
