زەينەتكەرلەردى الداپ، سان سوقتىرعان الاياقتار ۇستالدى، دەپ حابارلايدى “ادىرنا” ءتىلشىسى Tengri.kz-كە سىلتەپ.
بىرنەشە كۇن بۇرىن ەلوردالىق ازامات ستەپنوگورسك قالاسىندا تۇراتىن ءۇش زەينەتكەردى الداپ، اقشاسىن الىپ ۇلگەرگەن.
جاپا شەككەندەر 12 تامىزدا جەرگىلىكتى پوليتسيانىڭ قىزمەتىنە جۇگىندى. باسقارماعا الاياقتىق دەرەگى بويىنشا بىردەن ءۇش ءوتىنىش تۇسكەن. بارلىق جاعدايدا 70 جانە 83 جاستاعى زەينەتكەرلەر جابىرلەنۋشى بولىپ شىقتى.
ءۇش زەينەتكەرگە دە بەلگىسىز ادامدار قوڭىراۋ شالىپ، بالالارى جول-كولىك وقيعالارىنا تاپ بولدى دەپ حابارلاعان. الاياقتار ماسەلەنى شەشۋ ءۇشىن بەلگىلى كولەمدە اقشا سۇراعان.
قارت ادامدار ويلانباستان جيناعان اقشالارىن الاياقتارعا ۇستاتقان. ەكى زەينەتكەر 1 ملن تەڭگە بەرسە، ۇشىنشىسىندە الاياقتارعا بەرىلگەن اقشا كولەمى 1,2 ملن تەڭگە بولعان.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز