“باي بىرەۋ شىعار؟”. جەلىدە ەرەكشە جاراتىلىستاعى ەر ازاماتتىڭ ءسوز سالعان ۆيدەوسى تالقىعا ءتۇستى

الەۋمەتتىك جەلىدە ەرەكشە جۇپتىڭ باس قوسىپ جاتقان ۆيدەوسى تارادى، - دەپ حابارلايدى “ادىرنا” ءتىلشىسى. بۇل ۆيدەو اياجان ايدارقۇلوۆا ەسىمدى TikTok جەلى قولدانۋشىسىنىڭ پاراقشاسىندا جاريالانىپ، 850 مىڭ قارالىم، 30 مىڭ لايك جيناعان. “بارشاڭىزعا قايىرلى كۇن! مەن ءىنىمنىڭ ۇيلەنىپ جاتقان ساتىنەن بىرنەشە ۆيدەو جۇكتەپ ەدىم، جاعىمسىز پىكىرلەردەن كوز اشا الماي قالدىم. جاس جۇبايلارعا باقىت تىلەپ جاتقان جاندارعا راحمەت. سىزدەرگە بارلىعىن تۇسىندىرگىم كەلىپ، ۆيدەو ءتۇسىردىم. ىنىلەرىمنىڭ جاسى 23, 24-تە. جەلىدەگىلەر ءىنىم مەن كەلىنىم جايلى “جاسى قىرىقتا، شال عوي، جىگىت باي، باي بولعان سوڭ قىز ءتيىپ جاتىر” دەپ ءتۇرلى پىكىر جازىپ جاتىر. قىزدىڭ جاعدايى بىزدەن جاقسى. ونىڭ يمانى بولعاندىقتان، ءىنىمدى باقىتتى ەتەمىن دەپ تۇرمىسقا شىقتى. “شەتەلدىككە تۇرمىسقا شىققانشا قازاققا تيمەيسىڭ بە؟” دەپ ايتاتىندار بار. مەنىڭ باۋىرىم - قازاق. مەن باۋىرلارىمنان ۇيالمايمىن. ونىڭ بويى الاسا بولعانى بولماسا، باۋىرىم جۇرە الادى. ولار سىزدەر كورمەگەن، جۇرمەگەن جولمەن جۇرگەن. مەنىڭ باۋىرىم - ەل ارالاپ، ەم ىزدەپ، الەم بويىنشا وسى دەرتىنە شيپا تاپقان ءۇشىنشى ادام. كەلىنىم اقشا ءۇشىن ىنىمە ۇيلەنگەن جوق، بۇل - ماحاببات. مەن باۋىرىمدى ءمۇساپىر كورمەيمىن. ونىڭ قىزداردى شەرتىپ تۇرىپ تاڭدايتىن جاعدايى بار. جانىم باۋىرىم، قولىڭا قوندىرعان قۇسىڭ قۇتتى بولسىن. سەن بار جاقسىعا لايىقسىڭ. سەبەبى اللا سەنى ەرەكشە ەتىپ جاراتقان”، - دەپ جاۋاپ بەردى اياجان ايدارقۇلوۆا Massaget تىلشىسىنە. ولاردىڭ اراسىندا جاس جۇبايلارعا باقىت تىلەپ، ماحابباتتىڭ ۇلى سەزىم ەكەنىنە كوز جەتكىزگەندەر دە بولدى. “كىم نە دەسە، و دەسىن. باقىتتى بولىڭدار”، ء“اربىر جان باقىتتى بولۋعا لايىقتى”، “جۇرەككە ءامىر جۇرمەيدى، باقىتتى بولىڭدار”، “ەرىنىڭ رازىلىعىن الام دەگەن ايەلگە ءتۇرى دە، باسقاسى دا ماڭىزدى ەمەس”، -دەپ جاس جۇبايلارعا قولداۋ كورسەتتى. ۆيدەونى سىلتەمە ارقىلى كورە الاسىز.