قازاقستان پرەمەرى ءاليحان سمايىلوۆ “ArcelorMittal” كومپانياسىنىڭ ينۆەستورى لاكشمي ميتتالدىڭ ەلدە ودان ءارى قالا المايتىنىن ايتتى، دەپ حابارلايدى "ادىرنا" سايتى. Tengrinews.kz پورتالىنا سىلتەمە جاساپ.
ۇكىمەت باسشىسىنىڭ ايتۋىنشا وتكەن جىلى قاراشادا لەنين اتىنداعى شاحتادا ادامدار قازا تاپقان ءدال وسىنداي جاعداي كەزىندە، ArcelorMittal باسشىلىعى ونەركاسىپتىك قاۋىپسىزدىكتى، ەڭبەك قاۋىپسىزدىگىن قامتاماسىز ەتۋگە سەندىرگەن. ولار ءوندىرىستى جاڭعىرتۋعا ينۆەستيتسيا تارتۋعا بار كۇش-جىگەرىن سالاتىنىن جەتكىزگەن.
الايدا پرەمەر-مينيستر ءۇش ميلليارد دوللار ينۆەستيتسيالاۋ جوسپارى جاريالانسا دا قازىر بەرىلگەن ۋادەلەردىڭ ورىندالماي وتىرعانىن العا تارتتى.
ايتۋىنشا، شەتەلدىك ينۆەستور تاراپىنان بار بولعانى ءبىر ميلليارد دوللاردىڭ جوسپارى عانا بەرىلگەن. ءتىپتى ول دا تولىق ورىندالماي جاتىر ەكەن.
"جىلدان-جىلعا ءبىز ءوندىرىستى قولداۋعا جۇمسالاتىن ينۆەستيتسيانىڭ ازايىپ جاتقانىن بايقايمىز. ال اپاتتار بولسا ءجيى ورىن الىپ، ادامدار ءولىپ جاتقانىن كورىپ وتىرمىز. قازىر بۇل كاسىپورىننىڭ يەسىن اۋىستىرۋ ماسەلەسى كوتەرىلۋدە. ءبىز ميتتال جانە ونىڭ ادامدارىمەن كەلىسسوزدەر جۇرگىزۋدەمىز", - دەدى ءاليحان سمايىلوۆ.
ۇكىمەت باسشىسىنىڭ ايتۋىنشا، كەلەسى اپتادا تاعى ءبىر كەلىسسوز وتەدى.
"مەنىڭ ويىمشا، ەكولوگيالىق اۋديت جانە ونەركاسىپتىك قاۋىپسىزدىك ءاۋديتى اياقتالعاننان كەيىن بۇل ماسەلە تۇپكىلىكتى شەشىلەدى. سوندىقتان بۇل ينۆەستوردىڭ ءارى قاراي قازاقستاندا قالۋىنىڭ ماڭىزى جوق. وكىنىشكە وراي، بۇل وندىرىسكە، ونەركاسىپتىك قاۋىپسىزدىككە، كەنىشتەردەگى، مەتاللۋرگيالىق وندىرىستەگى ەڭبەك قاۋىپسىزدىگىنە دەگەن كوزقاراسىنا بايلانىستى", - دەدى ءاليحان سمايىلوۆ.
