بۇگىن قر پرەمەر-ءمينيسترى ءا. سمايىلوۆتىڭ توراعالىعىمەن وتكەن ۇكىمەت وتىرىسىندا ەلىمىزدىڭ الەۋمەتتىك-ەكونوميكالىق دامۋ قورىتىندىلارى مەن رەسپۋبليكالىق بيۋدجەتتىڭ اتقارىلۋى جانە جاڭا وقۋ جىلىنا دايىندىق ماسەلەلەرى قارالدى.
شىمكەنتتىڭ الەۋمەتتىك-ەكونوميكالىق جاعدايى تۇراقتى باقىلاۋدا. بۇگىندە بيىلعا جوسپارلانعان كورسەتكىشتەرگە قول جەتكىزۋ ماقساتىندا بارلىق سالادا كەشەندى جۇمىستار جۇرگىزىلۋدە.
قالا بيۋدجەتىنە 645,2 ملرد.تەڭگە جوسپارلانعان بولسا، ونىڭ 92,8 ملرد.تەڭگەسى رەسپۋبليكالىق بيۋدجەت ەسەبىنەن.
ونەركاسىپ ءونىمىنىڭ كولەمى 574,1 ملرد.تەڭگەنى، ناقتى كولەم يندەكسى 100,3% قۇرادى.
قالا اۋماعىندا بۇگىندە جاڭا وقۋ جىلىنا دايىندىق جۇمىستارى قارقىندى جۇرگىزىلۋدە. بيىل 18 500 ورىندىق 18 مەكتەپ پايدالانۋعا بەرىلەدى. ناتيجەسىندە، ءۇش اۋىسىمدا وقىتاتىن 4 مەكتەپتىڭ ماسەلەسى تولىعىمەن شەشىلەدى. بۇگىندە 9 مەكەمەنىڭ ءبىلىم عيماراتىنا كۇردەلى جوندەۋ جۇىستارى جۇرگىزىلۋدە.
بارلىق قۇرىلىس جۇمىستارى وندىرىستىك كەستەگە سايكەس جۇرگىزىلۋدە، نىسانداردىڭ قىركۇيەككە دايىندىعى قاتاڭ قاداعالاۋدا.
ۇكىمەت باسشىسى جەرگىلىكتى اكىمدەرگە وڭىرلەردىڭ الەۋمەتتىك-ەكونوميكالىق جاعدايىن تۇراقتاندىرۋدا بىرقاتار تاپسىرمالار جۇكتەپ، جاڭا وقۋ جىلىنا دايىندىق ماسەلەلەرىن پىسىقتاۋدى تاپسىردى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز