الماتىدا العاشقى NEW MEDIA FORUM وتەدى

12 قىركۇيەكتە الماتى قالاسىندا قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ قولداۋىمەن العاشقى NEW MEDIA FORUM وتەدى. فورۋم اياسىندا جاڭا مەديا وكىلدەرى – بلوگەرلەر مەن ينفليۋەنسەرلەر، تسيفرلىق كونتەنت اۆتورلارى مەن وندىرۋشىلەرى، مەملەكەتتىك قىزمەتكەرلەر مەن ينۆەستورلار وزەكتى ماسەلەلەردى تالقىلاۋ، زاماناۋي سىن-قاتەرلەردى انىقتاۋ جانە ولاردىڭ قازاقستاندىق قوعامعا اسەرىن باعالاۋ ءۇشىن جينالادى. فورۋم باعدارلاماسىندا «جاڭا تسيفرلىق الەم ءتارتىبى»، «مەديا نارىعىنىڭ ەۆوليۋتسياسى»، «تسيفرلىق كەڭىستىكتەگى جاڭا مەديا ەتيكاسى»، «تەحنومەديا: ينفوكەڭىستىكتىڭ ترانسفورماتسياسى»، «كرەاتيۆتى يندۋستريا جانە جاڭا مەديا» تاقىرىپتارى بويىنشا پانەلدىك سەسسيالار بار. سونىمەن قاتار، قاتىسۋشىلار «PechaKucha» قىسقاشا باياندامالارى فورماتىندا ءوز جوبالارىن ۇسىنىپ، تانىستىرا الادى. فورۋمنىڭ نەگىزگى سپيكەرلەرى مەن حەدلاينەرلەرى قازاقستان مەن الىس-جاقىن شەتەلدەردىڭ جاڭا مەديا وكىلدەرى بولادى. بەلگىلى ساراپشىلار دامۋدىڭ وزەكتى ماسەلەلەرىن تالقىلاپ، وسى سالاعا قاتىستى كوزقاراسىتارى مەن وزىق تاجىريبەلەرىمەن بولىسەدى.     العاشقى NEW MEDIA FORUM-نىڭ نەگىزگى ماقساتى كەلەسى سۇراقتاردان قۇرالعان:  جاڭا مەديانىڭ دامۋ تاريحى جانە ولاردىڭ الەۋمەتتىك ومىرگە جانە مەديا يندۋسترياعا اسەرى; وسى مەديالاردىڭ فورماتتارى جانە ەرەكشەلىكتەرى; مەديا ەتيكا جانە ونىڭ بۇقارالىق مادەنيەتكە اسەرى; جارناما جانە العا جىلجىتۋ; ينتەرنەت-ماركەتينگ جانە ينتەرنەت-بەلسەندىلىك; جاڭا تەندەنتسيالار مەن پەرسپەكتيۆالار. «جاڭا مەديا قازىرگى قوعامدى، ونىڭ ىشىندە جاڭا ورتانى، جاڭا الەۋمەتتىك قۇندىلىقتاردى، جاڭا ءومىر سالتىن جانە جاڭا قاعيدالاردى قالىپتاستىرۋدا ەرەكشە ءرول اتقارادى. ولاردىڭ ىقپالىمەن ءداستۇرلى باق-تا تۇرلەنۋدە. سونىمەن بىرگە «جاڭا مەديا» تۇسىنىگى «بۇقارالىق اقپارات قۇرالدارى» تۇسىنىگىنەن الدەقايدا كەڭ، جاڭا مەديا - دەرەكتەردى بەرۋ جانە ساقتاۋ قۇرالى، تەحنيكالىق قۇرىلعىلار جانە جاڭا تەحنولوگيالار بولىپ تابىلادى. سوندىقتان جاڭا ديالوگ الاڭىن قۇرۋ وتە ماڭىزدى» - دەپ اتاپ ءوتتى قازاقستان رەسپۋبليكاسى اقپارات جانە قوعامدىق دامۋ ۆيتسە-ءمينيسترى ەۆگەني كوچەتوۆ.   قاتىسۋ فورماتى: ونلاين جانە وفلاين ءوتەتىن ورنى:  الماتى، «قازاقستان» قوناق ءۇيى، دوستىق داڭعىلى، 52/2 Web-سايت: www.newmediaforum.kz   NEW MEDIA FORUM-دى قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ قولداۋىمەن «مەديا دامىتۋ قورى» كورپوراتيۆتىك قورى ۇيىمداستىرۋدا. فورۋمنىڭ سەرىكتەسى - «QAZCONTENT» اق.   PR مەنەدجەر: اسەل ميراەۆا، 8 (747) 757-57-35