رەسپۋبليكا بويىنشا ءبىرىنشى سىنىپقا بارعان وقۋشىلاردىڭ 68 پايىزدان استامى قازاق تىلىندە وقىتاتىن مەكتەپتەردە ءبىلىم الادى. بۇل تۋرالى قازاقستان رەسپۋبليكاسى وقۋ-اعارتۋ مينيسترلىگىنىڭ ورتا ءبىلىم بەرۋ كوميتەتى توراعاسىنىڭ ورىنباسارى جومارت قارامباەۆ “ادىرنا” ۇلتتىق پورتالىنا بەرگەن جاۋابىندا ايتىپ بەردى.
رەسپۋبليكا بويىنشا قازىرگى تاڭدا ءبىرىنشى سىنىپقا جالپى 366 894 بالا قابىلداندى جانە قابىلدانعان 250 203 بالا (68,2%) قازاق تىلىندە وقىتاتىن مەكتەپتەردە ءبىلىم الاتىن بولادى،- دەدى جومارت قارامباەۆ.
سونداي-اق، ول جاڭا وقۋ جىلىندا رەسپۋبليكا بويىنشا جالپى 7 مىڭنان استام ورتا ءبىلىم بەرۋ ۇيىمدارى جۇمىس ىستەيتىنىن ايتا كەتتى.
ءبىلىم الۋشىلاردىڭ بولجامدى كونتينگەنتى - 3,9 ملن. جانە پەداگوگتەر سانى -
340 مىڭ. جاڭا وقۋ جىلى قارساڭىندا بارلىق وڭىرلەردە دايىندىق جۇمىستارى جۇرگىزىلۋدە، ونىڭ ىشىندە كەشەندى مونيتورينگىنىڭ ناتيجەلەرىنە سايكەس رەسپۋبليكا بويىنشا 260 مەكتەپتە كۇردەلى جوندەۋ جۇمىستارى جۇرگىزىلۋدە جانە جاڭا وقۋ جىلىنىڭ باستالۋىنا قاراي 194 نىساندى تاپسىرۋ جوسپارلانعان، قالعان مەكتەپتەردىڭ جوندەۋ جۇمىستارى كەلىسىمشارتتاردىڭ تالاپتارىنا سايكەس جۇرگىزىلەدى. جاڭا وقۋ جىلى قارساڭىندا جوندەۋ جۇمىستارى اياقتالمايتىن مەكتەپتەر وقۋشىلارىنىڭ ۇزدىكسىز ءبىلىم الۋىن قامتاماسىز ەتۋ ءۇشىن جەرگىلىكتى اتقارۋشى ورگاندار تاراپىنان ءتيىستى جۇمىستار، اتاپ ايتقاندا كورشىلەس مەكتەپتەردە، بەيىمدەلگەن عيماراتتاردا وقۋ-تاربيە پروتسەسىن ۇيىمداستىرۋ جانە تاسىمالداۋ ماسەلەسىن شەشۋ بويىنشا جۇمىستار اتقارىلۋدا، دەدى توراعا ورىنباسارى.
