جەلىدە جازاسىن وتەپ جاتقان ەكس-گەنەرال سەرىك كۇدەباەۆتىڭ سۋرەتى پايدا بولدى، دەپ حابارلايدى “ادىرنا” ءتىلشىسى.
تۇرمەدە تۇسىرىلگەن سۋرەت جەلى قولدانۋشىلار اراسىندا قىزۋ تالقىدا. سۋرەتتە كۇدەباەۆ مول جايىلعان داستارحان باسىندا بىرنەشە اداممەن وتىرعانى بەينەلەنگەن.
ەسكە سالا كەتەيىك، بيىل ءساۋىر ايىنىڭ سوڭىندا گەنەرال سەرىك كۇدەباەۆ «اۋىر زارداپتارعا اكەپ سوققان قىزمەتتەگى ارەكەتسىزدىك» ءۇشىن كىنالى دەپ تانىلىپ، 10 جىلعا باس بوستاندىعىنان ايىرىلعان بولاتىن. تەرگەۋ مالىمەتتەرى بويىنشا، ول قاڭتار وقيعاسى كەزىندە الماتى وبلىسىنىڭ كومەندانتى بولا تۇرىپ، دەپارتامەنت عيماراتىنان شىعىپ كەتكەن.
كۇدەباەۆ 23-24 ناۋرىزدا قازاقستاننان قاشىپ كەتكەن. ول قىرعىزستان شەكاراسىن زاڭسىز كەسىپ ءوتىپ، بىشكەككە كەلىپ، ودان كەيىن تۇركياعا جول تارتتى. كۇدەباەۆقا ىزدەۋ جاريالاندى. ءساۋىر ايىنىڭ سوڭىندا ونىڭ ۇستالعانى تۋرالى بەلگىلى بولدى.
بۇعان دەيىن قىرعىزستاندا كۇدەباەۆتىڭ قاشۋ فاكتىسى بويىنشا قوزعالعان قىلمىستىق ءىس بويىنشا بەس ايىپتالۋشى سوتتالعان بولاتىن.
