اۋىر جاراقاتتان قايتىس بولعان سالتانات نۇكەنوۆاعا ارناپ اقىندار ولەڭ جولدارىن ارنادى، دەپ حابارلايدى "ادىرنا" ءتىلشىسى.
9 قاراشادا استاناداعى مەيرامحانالاردىڭ بىرىندە ايەلدىڭ دەنە جاراقاتىنان قازا تاپقانى بەلگىلى بولعان ەدى. ايەلدىڭ ولىمىنە بۇرىنعى ۇلتتىق ەكونوميكا ءمينيسترى قۋاندىق بيشىمباەۆ كۇدىكتى ەكەنى بەلگىلى بولدى. ارتىنشا ەكس-ءمينيستردىڭ ەكىنشى جارىنىڭ قازا تاپقانى تۋرالى اقپارات شىقتى.
قازىر "ايەلىن ازاپتاپ ءولتىردى" دەگەن ايىپپەن بيشىمباەۆتىڭ سوت وتىرىسى ءوتىپ جاتىر.
اقىن سۇندەت سەيىتوۆ مارقۇمعا ارناپ "سالتانات" ولەڭىن جازدى.
سالتانات، كۇيگە اينالدىڭ، جىرعا اينالدىڭ،
تىرىڭدە گۇلدەن بەيباق كۇڭگە اينالدىڭ.
لۇپىلدەگەن اياۋلى جۇرەگىڭنىڭ،
ءلۇپ ەتىپ، جارىلارىن بىلمەي قالدىم...
ءومىردىڭ قادالعانداي ءبىزى ماعان،
ءدال مەندەي جارالىلار قۇجىناعان.
مەن تانيتىن قۋاندىق مومىن-تۇعىن،
...جو-جو-جوق، ول - باسقا ادام، بۇزىق ادام!
شوق جۇلدىز اعىپ ءتۇستى كوكتى جارىپ،
"نەگە؟ نەگە؟ نەگە؟" دەپ، كوپ سۇرادىق.
ءوز جۇرەگىڭ نەلىكتەن تاس توبەڭدى،
جۇدىرىققا اينالىپ، سوقتى بارىپ؟
جىلاسا جانارىندا جاس قالاتىن،
حالىقتى وياتتى كەپ اسقاق اتىڭ.
"سالتانات" كۇيىن شەرتەم ساعان ارناپ،
تاريحى سەنەن عانا باستالاتىن.
ال الديار مەرەكەەۆ:
مەن ءوز ەلىم ءۇشىن ۇيالامىن
ءسوز بوستاندىعى ءىس جۇزىندە جوق جەردە.
مەن ايەلدەردى قاتتى ايايمىن، مەن ولاردىڭ ءبارىن جاقسى كورەمىن،
بۇل قايتا-قايتا قايتالانادى.
مەن ساياساتكەرلەر ءۇشىن، حالىق ءۇشىن ۇيالامىن،
بىراق مەنىڭ ءبىر ارمانىم بار.
ماسەلە تۋرالى ايتساڭ، اۋزىڭدى جاۋىپ تاستايدى،
مەن ارقاشان ءبارى ءادىل بولعانىن قالايمىن.
مەن ەركەكتەردەن، پاتريارحاتتان ۇيالامىن،
ءاربىر ۇرىپ-سوعۋ تۋرالى جاڭالىقتار ءۇشىن.
مەن سالتاناتقا قاتتى وكىنەمىن،
ادام ولتىرگەنى ءۇشىن كەشىرىم سۇراۋدى ەشكىم كەشىرمەيدى.
ءۇمىت بار، مەن سەنەمىن
ەر ادامدار ءوز قاتەلىكتەرىن تۇسىنەتىن بولادى.
مەنىڭ ارمانىم ورىندالادى دەپ
ال قۇرباندار مەن ازاپتاۋلار از بولادى.
اقىرىندا ايتارىم،
بۇل ءالى ءسىزدىڭ قولىڭىزدا.
جانە اركىمنىڭ ەكىنشى مۇمكىندىگى بار
مەن بولاشاققا، ءوز ەلىمە سەنەمىن.
جەلى وقىرمانى جازيرا يمانالي ەسىمدى ارۋ Instagram جەلىسىندە مارقۇمعا ارناپ ولەڭ جولدارىن قالدىرعان:
كۇلىمكوز قاراعىم، جايدارى جامالىڭ،
كۇلكىڭدى كوپ كوردى، قاسكۇنەم ادامىڭ ...
شاراسىز بولدىڭ اۋ، قۇرساۋدا قامالىپ،
جارقىنىم، اق سۇڭقار جازىقسىز مەرت بولدىڭ.
ايتا كەتەيىك، جەلىدە "سالتانات ءۇشىن، زا سالتانات" حەشتەگتەرىمەن ءتۇرلى بەينە-روليكتەر تاراپ، چەللەندج باستالعان.
