مارقۇم سالتانات نۇكەنوۆانىڭ اكەسى توقاەۆتان بيشىمباەۆتاردىڭ مۇلكىن تاركىلەۋدى سۇرادى، دەپ حابارلايدى «ادىرنا» ۇلتتىق پورتالى گيپەربورەي Facebook پاراقشاسىنا سىلتەمە جاساپ.
«30 قاراشا كۇنى ماعان Whatsapp قوسىمشاسىنا بەلگىسىز ادامدار حات جولداپ، ونى كوپشىلىككە جاريا ەتۋدى ءوتىندى. حات پرەزيدەنت توقاەۆقا جولدانعان. ال بۇل حاتقا قازا بولعان سالتانات نۇكەنوۆانىڭ اكەسى نۇكەنوۆ امانگەلدى تەمىرشوتوۆيچ قول قويعان. حاتتا جسن جانە ءۇي مەكەن-جايى بولدى. بىراق قولتاڭبا بولعان جوق. حات وتە قىزىقتى. سودان كەيىن مەن سالتاناتتىڭ جاقىن تۋىسىنا حاتتىڭ دۇرىستىعىن جانە امانگەلدى تەمىرشوتوۆيچتىڭ ونى جاريالاۋعا كەلىسىم بەرەتىنىن راستاۋ تۋرالى وتىنىشپەن جۇگىندىم. بۇل حاتتىڭ ناقتى پرەزيدەنت اكىمشىلىگىنە جىبەرىلگەنىنە سەندىردىم. ال اكەسى باسىلىمعا قارسى ەمەس. ولار ءتىپتى اكەسى مەن قىزىنىڭ سۋرەتىن جىبەردى. مەن بۇل حاتتىڭ ءماتىنىن بەيسەنبى كۇنى كەشكە Facebook جەلىسىندە، Boreiko.kz تەلەگرام كانالىندا جانە YouTube-تا جانە گيپەربورەي ارناسىندا جاريالادىم. ال ونى قالىڭ اۋديتوريا ءبىلۋى ءۇشىن ەفيردەن وقۋدى ءجون كوردىم. ازىرگە تۇسىنىكتەمە بەرۋدەن اۋلاقپىن. بىراق مەن وقيعالاردى باقىلايتىن بولامىن»، - دەپ جازىلعان جازبادا.
ەسكە سالايىق، بۇرىنعى ۇلتتىق ەكونوميكا ءمينيسترى قۋاندىق بيشىمباەۆ ايەلى سالتانات نۇكەنوۆانى سوققىعا جىعىپ، ولتىرگەنى تۋرالى جاريالاعان بولاتىنبىز.
سونداي-اق قاسىم-جومارت توقاەۆ قۇقىق قورعاۋ ورگاندارىنىڭ باسشىلارىمەن كەڭەسىپ، ەكس-مينيستر بيشىمباەۆتىڭ ايەلىنىڭ ولىمىنە قاتىستى ءىستى ەرەكشە باقىلاۋدا ۇستاۋدى تاپسىرعان.
«ادىرنا» ۇلتتىق پورتالى
