ەلباسى جولداۋىن ءتورت جىل "كەشىگىپ" ناسيحاتتاماق بولعان مامانعا سوگىس بەرىلدى

2050
Adyrna.kz Telegram
https://adyrna.kz/content/uploads/2023/09/izobrazhenie_2023-09-06_131328533.png
"ادىرنا" ۇلتتىق پورتالىندا"قازىعۇرتتىقتار قىزمەتتەن 4 جىل بۇرىن كەتكەن "ەلباسى جولداۋىن" جايدارمان ارقىلى وقۋشىلارعا ناسيحاتتاماق" دەگەن تاقىرىپپەن ماتەريال جاريالانعان ەدى. سول سىني ماقالاعا قازىعۇرت اۋدانىنىڭ ىشكى ساياسات ءبولىمى جاۋاپ بەرىپ، قاتەلىك جىبەرگەن مەملەكەتتىك قىزمەتكەرگە سوگىس جاريالاعانىن مالىمدەدى، - دەپ حابارلايدى "ادىرنا" ۇلتتىق پورتالى. قازىعۇرت اۋدانىنىڭ ىشكى ساياسات ءبولىمى 2023 جىلدىڭ 30 مامىرى كۇنى قۇنى 4 500 000 تەڭگە بولاتىن "ەلباسى جولداۋىن" ناسيحاتتاۋعا باعىتتالعان تەندەر جاريالاعان. ءتىلشىمىز قازىعۇرتتىقتار ەلباسىنىڭ جولداۋىن بىلاي قويىپ، ەلباسى ستاتۋسىنىڭ دا ءبىرجولا الىنىپ تاستالعانىن ۇمىتىپ كەتكەنىن، ءتورت لوتتان تۇراتىن تەندەردىڭ ءبىرىنىڭ عانا جەڭىمپازى انىقتالىپ، جوبانى جۇزەگە اسىرۋ ءىسى جەرگىلىكتى ارداگەرلەر ۇيىمىنا بەرىلگەنىن انىقتاعان ەدى. "ادىرنانىڭ" بۇل سىنىنا قاتىستى اۋداندىق ىشكى ساياسات ءبولىمىنىڭ بەرگەن جاۋابىندا: "شىلدە ايىندا مەملەكەتتىك، الەۋمەتتىك تاپسىرىس بويىنشا ساتىپ الۋعا جاريالانعان تاقىرىپتا قاتەلىككە جول بەرىلگەن. وسى ورايدا ءبولىم قىزمەتكەرلەرىمەن جينالىس وتكىزىلىپ، اعىمداعى جىلدىڭ ماۋسىم ايىندا كەلگەن ماماننىڭ جىبەرگەن كەمشىلىگى ەكەندىگى انىقتالدى. جينالىس قورتىندىسىمەن ءبولىمنىڭ جاۋاپتى مامانىنا «سوگىس» تۇرىندە تارتىپتىك شارا كورىلدى" دەلىنگەن. ءتىلشىمىز اتالعان ماتەريالدا قازىعۇرتتىڭ ىشكى ساياسات ءبولىمى "پرەزيدەنت جولداۋىن قولداۋ، مەملەكەتتىك ءتىل تۇعىرىمىز" تاقىرىبىندا مەكتەپ وقۋشىلارى اراسىندا «جايدارمان» ويىنىن وتكىزۋدى دە جوسپارلاپ وتىرعانىن، وسىلاي جولداۋدى مەكتەپ وقۋشىلارىنا ناسيحاتتاماق نيەتتەرى بار ەكەنىن دە جازعان ەدى. رەسمي جاۋاپتا ىشكى ساياسات ءبولىمى جولداۋ تۋرالى ەشتەڭە ايتپاعان. تەك، "اۋداندىق «جاستار رەسۋرستىق ورتالىعى» جانە «جاس تۋريستەر ستانتسياسى» مەكەمەلەرىمەن بىرلەسىپ، مەكتەپ وقۋشىلارى اراسىندا «جايدارمان» نۇسقاسى اياسىندا وقۋشىلاردىڭ وي-ۇشقىرلىعى، مەملەكەتتىك ءتىلدىڭ قۇندىلىعىن ناسيحاتتاۋ جانە ءوز ونەرلەرىن كورسەتۋ ماقساتىندا ۇيىمداستىرىلاتىن ءىس-شارا بولىپ تابىلادى" دەگەن.

"ادىرنا" ۇلتتىق پورتالى

پىكىرلەر