جۋرناليست ميحايل كوزاچكوۆ ەلورداداعى 71-مەكتەپتەگى شۋلى جاعدايدىڭ ۆيدەوسىمەن ءبولىستى. ءبىلىم باسقارماسى ءمان-جايدى انىقتاۋعا تىرىسۋدا، دەپ حابارلايدى "ادىرنا" ۇلتتىق پورتالى.
كادرلاردا وقۋشىلاردىڭ دالىزگە سىيماي، ءبىر-ءبىرىن يتەرە شۇبىرىپ جاتقانىن كورە الامىز.
«مەن بارلىق وبلىس باسشىلارىنا استاناداعى قاراپايىم 71-ءشى مەكتەپتەگى جاعدايدى كورسەتكىم كەلەدى. ول «حان شاتىردان» الىس ەمەس جەردە ورنالاسقان، ال توڭىرەگىندە قاپتاعان تۇرعىن ءۇي كەشەندەرى ورنالاسقان. ناتيجەسىندە 1200-1500 وقۋشى وقىتۋدىڭ ورنىنا، بۇل مەكتەپ 5 مىڭنان استام وقۋشىنى وقىتۋدا. مىنە، «سەنساتتار»، «دجەپاركتەر» مەن «بازيستەر» جالپى بىتپەيتىن تۇرعىن ءۇي قۇرىلىستارى وسىعان اكەلەدى، اقشانى ايدالاعا شاشادى، شەنەۋنىكتەر دە اشتان ولمەيدى. ال بالالار زارداپ شەگەدى. قۇرمەتتى اكىمدەر! وتىنەمىن، بۇلاي ەتپەڭىزدەر»، - دەپ جازدى كوزاچكوۆ.
بۇل مەكتەپ-ليتسەيدىڭ ءۇش اۋىسىمدا جۇمىس ىستەيتىنى بەلگىلى بولدى. ۆيدەودا ءۇشىنشى اۋىسىم وقۋشىلارى مەن التىنشى ساباقتان كەيىن شىققان ەكىنشى اۋىسىم وقۋشىلارىنىڭ
ءبىر ۋاقىتتا شىعىپ قالعانى، ال كەزەكشى مۇعالىمدەردىڭ سىرت كيىمدەرىن بەرۋگە ۇلگەرمەي جاتقان ءساتى تۇسىرىلگەن.
«بۇل ماسەلەنى شەشۋ ءۇشىن سىرتقى كيىم ىلگىشتەرى مەكتەپ قاباتتارىنا قايتا ءبولىندى، وسىلايشا 5 قىركۇيەكتەن باستاپ گاردەروب ماسەلەسى جويىلادى»، - دەپ سەندىردى ءبىلىم باسقارماسى.
ءبىلىم سالاسىنىڭ قىزمەتكەرلەرى قالادا وقۋشىلار ورىندارىن قۇرۋ بويىنشا جۇيەلى جۇمىستار جۇرگىزىلىپ جاتقانىن دا قوستى. بيىلعى وقۋ جىلىندا 11 مەكتەپ اشىلادى، قازىر ونىڭ 4-ءى جۇمىس ىستەپ تۇر.
سونىمەن قاتار، قالادا «جايلى مەكتەپ» ۇلتتىق جوباسى جۇزەگە اسىرىلۋدا. وسى جوبا اياسىندا 2024-2025 جىلدار ارالىعىندا 90 مىڭ ورىندىق 24 مەكتەپ سالىنادى. ونىڭ ىشىندە 15 مەكتەپ – «ەسىل» جانە «نۇرا» اۋداندارىندا سالىنادى.
ۇقساس جاڭالىقتار
پوسموترەت ەتۋ پۋبليكاتسيۋ ۆ Instagram
"ادىرنا" ۇلتتىق پورتالى