جالاقىنى كوتەرۋگە 2,5 ترلن تەڭگە بولىنەدى. بۇل تۋرالى قارجى ۆيتسە-ءمينيسترى ابزال بەيسەنبەكۇلى ماجىلىستە "2024 – 2026 جىلدارعا ارنالعان رەسپۋبليكالىق بيۋدجەت تۋرالى" زاڭ جوباسىن تانىستىردى، دەپ حابارلايدى “ادىرنا” ۇلتتىق پورتالى.
حالىقتىڭ تابىسىن ارتتىرۋ باعدارلاماسىن ىسكە اسىرۋ ءۇشىن 2024 جىلى 3,5 ترلن تەڭگە قاراستىرىلعان، - دەدى ول ءماجىلىس وتىرىسىندا.
ونىڭ ىشىندە بيۋدجەتتەن:
- 1,5 ميلليوننان استام جۇمىسكەردىڭ جالاقىسىن كوتەرۋگە 2,5 ترلن تەڭگە;
- وڭىرلىك جۇمىسپەن قامتۋ كارتالارى اياسىندا 724 ملرد تەڭگە;
- "اۋىل اماناتى" جوباسى اياسىندا 100 ملرد تەڭگە;
- مەملەكەتتىك جانە الەۋمەتتىك قولداۋ بويىنشا جۇيەلى شارالاردى ىسكە اسىرۋعا 378 ملرد تەڭگە كوزدەلگەن.
سونداي-اق ۆيتسە-مينيستر 2024 جىلعا الەۋمەتتىك تولەمدەرگە ارنالعان
بالالارى بار وتباسىلاردى قولداۋ ءۇشىن بالا كۇتىمى كەزەڭى 1,5 جاسقا دەيىن ۇلعايتىلدى. 2023 جىلدان باستاپ 93 مىڭعا جۋىق كوپبالالى اناعا جاردەماقى كوبەيتىلدى. وسى ماقساتقا 2024 جىلى 93,3 ملرد تەڭگە كوزدەلگەن، - دەدى ابزال بەيسەنبەكۇلى.
بۇعان قوسا ول ايەلدەردىڭ زەينەتكەرلىك جاسى 2028 جىلعا دەيىن 61 جاس دەڭگەيىندە قالعانىن ەسكە سالدى. بۇل 150 مىڭنان استام ادامعا قاتىستى بولادى جانە ەسەپتى كەزەڭدە 473 ملرد تەڭگەگە جۋىق قاراجاتتى قاجەت ەتەدى.
