«امىرە» ءفيلمى جۇلدە ۇتىپ الدى
«امىرە» كوركەم ءفيلمى اقش-تا وتكەن Richmond International Film &
Music Festival كينوفەستيۆالىندە ەكى بىردەي جۇلدەگە يە بولدى. «ۇزدىك وقيعالى
فيلم» جانە فيلمدە باستى ءرولدى سومداعان سانجار ءمادي «ۇزدىك اكتەر»
اتاندى. اتالعان كارتينا قر مادەنيەت جانە سپورت مينيسترلىگىنىڭ
تاپسىرىسىمەن «قازاقفيلم» كينوستۋدياسى مەن «DAR Play» كومپانياسى
بىرىگىپ تۇسىرگەن بولاتىن.
كينوتۋىندى قازاقتىڭ تەنور داۋىستى ءبىرتۋار ءانشىcى امىرە
قاشاۋباەۆتىڭ قامشىنىڭ سابىنداي قىسقا عۇمىرىن باياندايدى. 1925 جىلى
پاريجدە وتكەن مۋزىكالىق بايقاۋدا قازاقتىڭ ءانى مەن دومبىراسىن الەمگە
تانىتقان 36 جاسار امىرە كورەرمەندى تاڭعالدىرعان بولاتىن. فيلمدە سول
پاريج ساپارى كورسەتىلەدى. سونداي-اق امىرە قاشاۋباەۆتىڭ تانىمال
امەريكالىق دجاز كومپوزيتورى جورج گەرشۆينمەن دوستىعى دا كورىنىس تابادى.
Richmond International Film & Music Festival – اقش-تا وتەتىن اۋقىمدى
حالىقارالىق كينوفەستيۆال. ۆيرجينيا شتاتىنداعى ريچموند قالاسىنا ۇزدىك
زاماناۋي فيلمدەردى جىل سايىن الىپ كەلەتىن كينوفورۋم. بىلتىر «امىرە»
ءفيلمى بىرنەشە جۇلدەلەرگە قول جەتكىزگەن. اتاپ ايتار بولساق: Hollywood Film
Festival كينوفەستيۆالىندە “Best Global Hollywood Film” جۇلدەسى، سونىمەن قاتار،
Panasonic كومپانياسى اتىنان ارنايى سىيلىق، جانە گرۋزيادا وتكەن Golden Eye
حالىقارالىق كينو جانە تەلەوپەراتورلار فەستيۆالىندە ارنايى جۇلدەمەن
ماراپاتتالعان.
ەلەنورا ءامىر
