«Ämıre» filmı jülde ūtyp aldy
«Ämıre» körkem filmı AQŞ-ta ötken Richmond International Film &
Music Festival kinofestivalınde ekı bırdei jüldege ie boldy. «Üzdık oqiǧaly
film» jäne filmde basty röldı somdaǧan Sanjar Mädi «Üzdık akter»
atandy. Atalǧan kartina QR Mädeniet jäne sport ministrlıgınıŋ
tapsyrysymen «Qazaqfilm» kinostudiiasy men «DAR Play» kompaniiasy
bırıgıp tüsırgen bolatyn.
Kinotuyndy qazaqtyŋ tenor dauysty bırtuar änşıcı Ämıre
Qaşaubaevtyŋ qamşynyŋ sabyndai qysqa ǧūmyryn baiandaidy. 1925 jyly
Parijde ötken muzykalyq baiqauda qazaqtyŋ änı men dombyrasyn älemge
tanytqan 36 jasar Ämıre körermendı taŋǧaldyrǧan bolatyn. Filmde sol
Parij sapary körsetıledı. Sondai-aq Ämıre Qaşaubaevtyŋ tanymal
amerikalyq djaz kompozitory Jorj Gerşvinmen dostyǧy da körınıs tabady.
Richmond International Film & Music Festival – AQŞ-ta ötetın auqymdy
halyqaralyq kinofestival. Virjiniia ştatyndaǧy Richmond qalasyna üzdık
zamanaui filmderdı jyl saiyn alyp keletın kinoforum. Byltyr «Ämıre»
filmı bırneşe jüldelerge qol jetkızgen. Atap aitar bolsaq: Hollywood Film
Festival kinofestivalınde “Best Global Hollywood Film” jüldesı, sonymen qatar,
Panasonic kompaniiasy atynan arnaiy syilyq, jäne Gruziiada ötken Golden Eye
Halyqaralyq kino jäne teleoperatorlar festivalınde arnaiy jüldemen
marapattalǧan.
Elenora Ämır
