قازاقستان تاجىكستاننىڭ 10 اۋىلىن ينتەرنەتپەن قامتاماسىز ەتەدى. بۇل تۋرالى تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ايتتى، دەپ حابارلايدى «ادىرنا» ءتىلشىسى.
«رەسپۋبليكالىق عارىشتىق بايلانىس ورتالىعى» اق مەن «نەت سوليۋشەنس» جشق (تاجىكستان رەسپۋبليكاسى) اراسىنداعى ىنتىماقتاستىقتى كەڭەيتۋ جانە نىعايتۋ شەڭبەرىندە «KazSat-3» عارىش اپپاراتى ارقىلى تاجىكستان رەسپۋبليكاسىنىڭ 10 اۋىلدىق ەلدى مەكەنىندە پيلوتتىق جوبانى جۇرگىزۋ تۋرالى ۋاعدالاستىققا قول جەتكىزىلدى. تەحنيكالىق ماسەلەلەر پىسىقتالدى. پيلوتتىق جوبانى ىسكە اسىرۋ ناتيجەلەرى بويىنشا ەلىمىزدىڭ 50-گە جۋىق شالعاي اۋىلدارىندا ينتەرنەت جەلىسىنە قولجەتىمدىلىكتى قامتاماسىز ەتۋ جوسپارلانۋدا»،—دەلىنگەن حابارلامادا.ءبىرىنشى ۆيتسە-مينيستر قانىش تۋلەۋشين ەلىمىزدىڭ العاش رەت وتاندىق GovTech شەشىمدەرىن ەكسپورتتاپ جاتقانىن اتاپ ءوتتى.
«وسى قۇجاتتارعا قول قويۋ – قازاقستانداعى ءىت سالاسىنىڭ دامۋىنىڭ جاڭا كەزەڭى. ءبىز العاش رەت وتاندىق GovTech شەشىمدەرىن ەكسپورتتاپ جاتىرمىز. «ۇلتتىق اقپاراتتىق تەحنولوگيالار» اق زاماناۋي ەلەكتروندىق ۇكىمەت ينفراقۇرىلىمىن قۇرۋداعى تاجىريبەمىزدى تاجىكستانداعى ارىپتەستەرىمىزگە بەرۋ مىندەتىن الدى»،—دەدى ول.
ۇقساس جاڭالىقتار
