«امانات» پارتياسى فراكتسياسىنىڭ مۇشەسى گۇلدارا نۇرىموۆا قازاقستان رەسپۋبليكاسى پرەمەر-ءمينيسترىنىڭ ورىنباسارى تامارا دۇيسەنوۆاعا، قازاقستان رەسپۋبليكاسىنىڭ ىشكى ىستەر ءمينيسترى ەرجان سادەنوۆكە مەديتسينا قىزمەتكەرلەرىن كاسىبي شاعىمداردان قورعاۋ ماسەلەسى بويىنشا دەپۋتاتتىق ساۋال جولدادى, دەپ حابارلايدى “ادىرنا” ۇلتتىق پورتالى.
دەپۋتات مەديتسينا قىزمەتكەرلەرىن قورعاۋ ءۇشىن زاڭنامالىق شارالاردى قابىلداۋ قاجەت دەپ سانايدى. سونداي-اق، ول دارىگەرلەردى ناۋقاستاردىڭ شابۋىلىنان قورعاۋدى تالاپ ەتۋدە.
گۇلدارا نۇرىموۆا تالعار ورتالىق اۋداندىق اۋرۋحاناسىنىڭ جانساقتاۋ بولىمىندە بولعان، قايتىس بولعان ناۋقاستىڭ ۇلدارى رەانيماتولوگ-انەستەزيولوگ پەن مەدبيكەنى ۇرىپ-سوققان وقيعا تۋرالى ايتا كەتتى.
«الماتى وبلىسىندا ۇرىپ-سوعۋ، پىشاقپەن شابۋىل جاساۋ، ءتىپتى الماتىدا ناۋقاس گاستروەنتەرولوگقا وق ءتيىپ، ولىمگە دەيىن بارۋ جاعدايلارى بۇرىن دا بولدى. مەديتسينا قاۋىمداستىعى ءولىم تۋرالى حابارلاۋ پسيحولوگيالىق جانە ەموتسيونالدى كۇيزەلىس تۋدىرۋى مۇمكىن ەكەنىن تۇسىنەدى. بىرپق ءبىز دارىگەرلەردىڭ قۇدىرەتتى ەمەس ەكەنىن ۇمىتپاۋىمىز كەرەك. وكىنىشكە قاراي، دارىگەردىڭ تاجىريبەسى مەن مارتەبەسىنە قاراماستان، الدىن الۋعا بولمايتىن جاعدايلار مەن پروتسەستەر بار. مەن دارىگەر رەتىندە سىزگە ايتايىن، دارىگەر ناۋقاسقا ءولىم تىلەمەيدى.
كۇن سايىن دارىگەرلەر جۇمىسىندا دورەكىلىككە، بالاعات سوزدەرگە جانە ءجيى اگرەسسيۆتى شابۋىلعا ۇشىرايدى»، - دەدى دەپۋتات.
ول ءبىر عانا الماتى وبلىسىندا ءۇنسىز قالۋدى نەمەسە جۇمىستان شىعۋدى قالايتىن مەديتسينا قىزمەتكەرلەرىن ايتپاعاندا، جەدەل جاردەم قىزمەتكەرلەرىنە شابۋىل جاساۋدىڭ 12 وقيعاسى تىركەلگەنىن اتاپ ءوتتى. بۇلاي جالعاسا بەرسە جاقىن ارادا ادامداردى ەمدەيتىن ەشكىم قالمايدى، دەدى گۇلدارا نۇرىموۆا.
«ءبىزدى نە كۇتەمىز، ارىپتەستەر؟ تۋىستارى مەن ناۋقاستاردىڭ وزدەرى تاراپىنان مەديتسينا قىزمەتكەرلەرىنە قارسى زورلىق-زومبىلىق كورسەتۋ ەلىمىزدە قالىپتى جاعدايعا اينالىپ بارادى. وسىعان بايلانىستى تالعار اۋدانىندا ورىن العان زاڭسىز ارەكەتتەرگە ءادىل باعا بەرىلۋى كەرەك دەپ ەسەپتەيمىز. ال كىنالىلەر قازاقستان زاڭى بويىنشا بارىنشا جازالانۋى كەرەك.
ەكىنشىدەن، دەنساۋلىق ساقتاۋ مينيسترلىگى قوعامدا مەديتسينا قىزمەتكەرلەرىن قورلاۋعا مۇلدەم توزبەۋشىلىك جونىندە ءتۇسىندىرۋ جۇمىستارىن ۇيىمداستىرۋى كەرەك»، - دەبى نۇرىموۆا.
سونداي-اق، دەپۋتات مەديتسينا قىزمەتكەرلەرىن قورعاۋ ءۇشىن زاڭنامالىق شارالاردى قولعا الاتىن ۋاقىت جەتتى دەپ ەسەپتەيدى.
