ءماجىلىس سپيكەرى، «AMANAT»پارتياسىنىڭ توراعاسى ەرلان قوشانوۆ شانحاي ىنتىماقتاستىق ۇيىمى جاستار كەڭەسىنىڭ قولداۋىمەن «جاستار كەڭىستىگى: ادىلەتتى الەم جانە كەلىسىم» حالىقارالىق جاستار ساياسي لاگەرىنىڭ جۇمىسىنا قاتىستى.جوبانى «AMANAT» پارتياسىنىڭ «جاستار رۋحى» جاستار قاناتى ۇيىمداستىردى.
ەرلان قوشانوۆ ءوز سوزىندە شىۇ-عا مۇشە جانە بايقاۋشى مەملەكەتتەرءدىڭ الدىندا تۇرعان مىندەتتەردى ىسكە اسىرۋداعى جاستاردىڭ رولىنە توقتالدى.
«قازىرگى زاماندا بارلىق ەلدىڭ تەڭ قۇقىقتىق نەگىزدەگى ءوزارا ءىس-قيمىلى ءۇشىن جاعداي جاساۋ اسا ماڭىزدى. سوندىقتان پرەزيدەنت قاسىم-جومارت توقاەۆ قازاقستاننىڭ شىۇ-عا توراعالىعى بارىسىندا «ادىلەتتى الەم مەن كەلىسىمدءى جاقتايتىن دۇنيەجۇزىلىك بىرلىك تۋرالى» باستاما ۇسىنۋعا نيەتتى ەكەنىن مالىمدەدى. ول شىۇ مەن ونىڭ كەڭىستىگىنىڭ ودان ءارى دامۋباعدارىن ايقىندايدى. بۇل جۇمىسقا شىۇ-عا كىرەتىن بارلىق ەل جاستارىنىڭ بەلسەندى ارالاسۋى ماڭىزدى», - دەدى ول.
«AMANAT» توراعاسى الەمدىك ءجىو-ءنىڭ شامامەن 30%-ى جانە الەمدىك ساۋدانىڭ 15%-دان استامى شىۇ-عا مۇشە ەلدەرءدىڭ ەنشىسىنە تيەتىنىن اتاپ ءوتتى. سونىمەن قاتار، شىۇ كەڭىستىگىندە 3,5 ميللياردقا جۋىق ادام تۇرسا، ولاردىڭ جارتىسى – جاستار.
«بۇل تۇرعىدا شىۇ – الەمدەگى ەڭ «جاس»حالىقارالىق ۇيىمداردىڭ ءبىرى. ءسىزدەر, جاستار، ۇيىمنىڭ بۇگىنگى كءۇشىن ايقىنداپ، ونىڭ الداعى ونداعان جىلدىق بولاشاعىن بەكىتەسىزدەر. مۇندا شانحاي ىنتىماقتاستىق ۇيىمى ەلدەرى جاستارىنىڭ ەڭ ءورشىل دە ماقساتشىل، بولاشاققا بەيجاي قارامايتىن وكىلدەرى قاتىسىپ وتىر. الداعى ۋاقىتتا ءبىزدىڭ لاگەردىڭ دەلەگاتتارى ءوز ەلدەرىنىڭ ساياسي ەليتاسى بولاتىنىنا سەنىمدىمىن», - دەدى ول.
بۇدان سوڭ ەرلان قوشانوۆ قازاقستانداعى ساياسي رەفورمالار مەن ەلدىڭ جاڭا ەكونوميكالىق مودەلىن قۇرۋ جونىندەگى جۇمىسىتۋرالى ايتىپ بەردى. ول قازاقستاندا جۇزەگە اسىرىلىپ جاتقان جاستار ساياساتىنىڭ ماڭىزدى تۇستارىنا ەگجەي-تەگجەيلى توقتالدى.
سونداي-اق، ءماجىلىس سپيكەرى شىۇ-عا توراعالىق ەتۋ اياسىندا قازاقستان بەلگىلەگەن بىرقاتار باسىمدىقتى ەسكە سالدى. ولار ەكولوگيا ماسەلەلەرى، اسىرەسە ورتالىق ازياداعى سۋ تاپشىلىعى، ەسىرتكىگە قارسى كۇرەس جانە تسيفرلىق سالاداعى ىنتىماقتاستىقتى كەڭەيتۋ. ەرلان قوشانوۆ جاستارعا وسى باستامالار بويىنشا جۇمىسقا بەلسەندى ارالاسۋدى، شىۇ ەلدەرى دەڭگەيىندە بىرلەسكەن جانە كرەاتيۆتى جوبالارعا باستاماشىلىق ەتۋدى ۇسىندى.
ءىس-شارا بارىسىندا قىتاي حالىق رەسپۋبليكاسىنداعى شىۇ جاستار كەڭەسىنىڭ ۇلتتىق ءبولىمىنىڭ مۇشەسى يان تسزينۆەي; قىرعىز رەسپۋبليكاسى مادەنيەت، اقپارات، سپورت جانە جاستار ساياساتى مءينيسترىنىڭ ورىنباسارى مارات تاعاەۆ; وزبەكستان رەسپۋبليكاسى ولي ءماجىلىسىنىڭ زاڭ شىعارۋ پالاتاسى جانىنداعى جاستار پارلامەنتىنىڭ مۇشەسى گۋزال ابدۋللاەۆا; شىۇ جاستار كەڭەسىنىڭ ءۇندى ۇلتتىق ءبولىمىنىڭ مۇشەسى، حالىقارالىق ستۋدەنتتەر وداعىنىڭ پرەزيدەنتى شوۋكاتحاشيم; شىۇ جاستار كەڭەسىنىڭ رەسەي ۇلتتىق ءبولىمىنىڭ باسشىسى الەكسەي كارپەنكو, تاجىكستان رەسپۋبليكاسى جاستار وداعى اپپاراتىنىڭ باسشىسى فاريدۋن حۋسەنزودا, بەلارۋس رەسپۋبليكالىق جاستار وداعى ورتالىق كوميتەتىنىڭ ءبىرىنشى حاتشىسى الەكساندر لۋكيانوۆ ءسوز سويلەدى.
لاگەر جۇمىسىنا شەتەلدەن جانە قازاقستاننىڭ بارلىق وڭىرىنەن كەلگەن 300-دەن استام دەلەگات، «AMANAT» پارتياسىنىڭ ءماجىلىستەگى دەپۋتاتتارى قاتىسۋدا. جاستار 20-23 قىركۇيەك ارالىعىندا سەمينار-ترەنينگتەرگە قاتىسىپ، ءوز ەلدەرىنىڭ تاجىريبەسىمەن بولىسەدى جانە شىۇ ەلدەرىنىڭ وزەكتى ماسەلەلەرىن شەشۋ بويىنشا پىكىرسايىستار جۇرگىزەدى.
