كەزەكتەن تىس پرەزيدەنت سايلاۋىندا كانديدات بولعان سالتانات تۇرسىنبەكوۆا ءماجىلىس دەپۋتاتى بولماعانىنا وكىنبەيتىنىن ايتتى، - دەپ حابارلايدى adyrna.kz ۇلتتىق پورتالى.
“پرەزيدەنت سايلاۋىنا قاتىسقان جيگۋلي دايراباەۆ پەن قاراقات ابدەن ءماجىلىس دەپۋتاتى بولىپ كەتتى. ءوزىڭىز دەپۋتات بولماعانىڭىزعا ىشتەي وكىنبەدىڭىز بە؟” دەگەن سۇراققا سالتانات تۇرسىنبەكوۆا جاۋاپ بەردى.
“جوق، وكىنبەدىم. بۇگىن مەن ناقتى ادامداردىڭ قۇقىقتارىن قورعايتىن ءوزىمنىڭ ىشكى پرينتسيپتارىما ساي جەردە جۇمىس تاۋىپ، سول جەردە جۇمىسىمدى اتقارىپ جاتىرمىن. جالپى مەن پرەزيدەنت سايلاۋىنا قاتىسقان كەزدە “مەن ەش جەرگە بارايىن دەپ جاتقان جوقپىن، ادامداردىڭ قۇقىقتارىن قالاي قورعادىم، سولاي قورعاپ جۇرەمىن” دەپ ايتقان بولاتىنمىن. مەن سول پرينتسيپىمدە قالدىم”، - دەدى ول.سونداي-اق ءجۋرناليستىڭ “كەيبىر ساراپشىلار پرەزيدەنت سايلاۋىنا قاتىسقان ازاماتتاردى “قۋىرشاق كانديدات” دەپ ايتتى. ءسىز ءوزىڭىزدى “قۋىرشاق كانديدات بولدىم” دەپ ەسەپتەمەيسىز بە؟” دەگەن سۇراعىنا جاۋاپ بەردى. سالتانات تۇرسىنبەكوۆا ءوزىنىڭ قۋىرشاق كانديدات بولماعانىن، جالپى پرەزيدەنت سايلاۋى ۇلكەن مۇمكىندىك ەكەنىن ايتتى.
"ادىرنا" ۇلتتىق پورتالى