يراكتىڭ ءال-حامدانيا ايماعىنداعى نايناۆا پروۆينتسياسىندا ۇيلەنۋ تويى كەزىندە ءورت شىقتى، دەپ جازادى "ادىرنا" پورتالى. وقيعا سالدارىنان 100 ادام قازا تاۋىپ، تاعى 150 ادام جاراقات الدى.
دەرەكتەرگە سايكەس، ازاماتتىق قورعانىستىڭ حابارلاۋىنشا، ءورت ۇيلەنۋ تويىندا وتشاشۋدى قولدانۋ سالدارىنان تۋىنداعان. شارا وتكەن زالدا دا ءورت قاۋىپسىزدىگى تالاپتارى ساقتالماعان. سالدارىنان ءورت قۇرىلىس كەزىندە تەز تۇتاناتىن جانە قىمبات ەمەس ماتەريالدار پايدالانىلعاندىقتان زال بولىكتەرىنىڭ وپىرىلۋىنا اكەلدى، دەپ قوستى ازاماتتىق قورعانىس.
يراك پرەمەر-ءمينيسترى مۇحامماد شياا ءال-سۋداني ىشكى ىستەر جانە دەنساۋلىق ساقتاۋ مينيسترلەرىنە ورتتەن زارداپ شەككەندەرگە كومەك كورسەتۋ ءۇشىن بارلىق كۇش-جىگەردى جۇمىلدىرۋدى تاپسىردى.
«اپاتتان زارداپ شەككەندەرگە كومەك كورسەتۋ ءۇشىن بارلىق مۇمكىندىكتەر جاسالۋدا»، - دەدى ونىڭ ءباسپاسوز قىزمەتى.
بۇعان دەيىن يراكتىڭ داحۋك پروۆينتسياسىنداعى ستۋدەنتتەر جاتاقحاناسىندا گاز جارىلىسى بولدى. توتەنشە جاعداي سالدارىنان ءتورت ادام قازا تاۋىپ، 20-دان استامى جاراقات الدى.
