«Almaty Mount Fest» فەستيۆالى 29 قىركۇيەكتە اشىلادى

جىل سايىنعى Almaty Mount Fest تاۋ سپورتى فەستيۆالى 29 قىركۇيەك كۇنى ساعات 15.00-دە اباي الاڭىندا سالناتاتتى تۇردە اشىلادى. بۇل كۇنى تىركەلگەن سپورتشىلار ستارتتىق پاكەتتەرىن الىپ، كەيىنگى ەكى كۇندە تاۋلى جەردەگى قيىندىقتاردى باعىندىرىپ، جەڭىسكە جەتۋ ءۇشىن بار ەرىك-جىگەرىن سالىپ، توزىمدىلىك پەن شىدامدىلىق تانىتۋى ءتيىس. فەستيۆال كۇندەرى بەلسەندى سپورتتى ۇناتاتىندار تۋريادا، downhill, skyrunning جانە الپينيادادا باق سىناپ كورەدى. بەلسەندى جارىستاردان بولەك، الماتىلىقتار مەن قالا قوناقتارىنا اۋقىمدى مادەني-ساۋىقتىق باعدارلاما دا ۇسىنىلماق. باعدارلاما اياسىندا ىرعاقتى DJ-سەتتەرى، تاقىرىپتىق شەبەرلىك-ساعاتتارى، بايقاۋلار، سونىمەن قاتار تاۋ ءتۋريزمى گيدتەرى مەن نۇسقاۋشىلارىنىڭ ءبىلىمىن جەتىلدىرۋگە ارنالعان Shymbulak Outdoor Meetings كەزدەسۋى ۇيىمداستىرىلادى. جارىستارعا جانە ىسكەرلىك فورۋمعا تىركەلگەن قاتىسۋشىلاردىڭ جايلى ءجۇرىپ-تۇرۋى ءۇشىن، ءارى 1 قازان كۇنى جولداردىڭ ءىشىنارا جابىلۋىنا بايلانىستى «شىمبۇلاق» تك تەگىن اۆتوبۋستار ۇسىنىپ وتىر. ولار 1 جانە 2 قازان كۇندەرى اباي كوشەسى مەن دوستىق داڭعىلىنىڭ قيىلىسىنان ساعات 8:00-دەن قاتىناي باستايدى. وعان قوسا، الماتى اكىمدىگى ءىس-شارا وتەتىن كۇندەرى «مەدەۋ» مۇز ايدىنىنا دەيىن قاتىنايتىن №12 قالالىق اۆتوبۋس باعىتتارىنا قوسىمشا اۆتوبۋستار جىبەرەدى. Almaty Mount Fest 2023 باعدارلاماسى: 29 قىركۇيەك 2023 ج. - اباي الاڭىنداعى سالتاناتتى اشىلۋ ءراسىمى، ستارتتىق پاكەتتەر بەرۋ، باق تىركەۋ; 30 قىركۇيەك 2023 ج. - بۇقارالىق تۋريستىك جورىق (تۋريادا), وندا 6 مەن 14 جاس ارالىعىنداعى بالالار مەن مۇمكىندىگى شەكتەۋلى ادامدارعا ارنايى دايىندالعان باعىتتار دا بار; - تاۋ ۆەلوسيپەدىمەن تومەن ءتۇسۋ جارىسى (DOWNHILL); 1 قازان 2023 ج. - تاۋلى جەردە جۇگىرۋ جارىسى (SKYRUNNING); - «مولودەجنىي» شىڭىنا جاپپاي كوتەرىلۋ (الپينيادا). 2 قازان 2023 ج. - «تاۋ ءتۋريزمىن دامىتۋدىڭ جاڭا مۇمكىندىكتەرى» تاقىرىبىندا وتەتىن حالىقارالىق ىسكەرلىك فورۋم; - سالتاناتتى جابىلۋ ءراسىمى. فەستيۆال وتەتىن نەگىزگى جەرلەر – «مەدەۋ» تسك مەن «شىمبۇلاق» تك. دۇنيەجۇزىلىك تۋريزم كۇنىنە ورايلاستىرىلعان فەستيۆال 4 كۇن قاتارىنان وتەدى. قوسىمشا اقپاراتتى سايتتان الۋعا بولادى. فەستيۆالگە قاتىسۋ ءۇشىن اككرەديتاتسيادان وتكەن جۋرناليستەر باق ارنالعان بەيدجدەردى 26 قىركۇيەك اباي الاڭىندا ساعات 16:00 مەن 19:00 ارالىعىندا ءباسپاسوز-ورتالىعىنىڭ قىزمەتكەرلەرىنەن الا الادى.