«Almaty Mount Fest» festivalı 29 qyrküiekte aşylady

Jyl saiynǧy Almaty Mount Fest tau sporty festivalı 29 qyrküiek künı saǧat 15.00-de Abai alaŋynda salnatatty türde aşylady. Būl künı tırkelgen sportşylar starttyq paketterın alyp, keiıngı ekı künde tauly jerdegı qiyndyqtardy baǧyndyryp, jeŋıske jetu üşın bar erık-jıgerın salyp, tözımdılık pen şydamdylyq tanytuy tiıs. Festival künderı belsendı sportty ūnatatyndar turiada, downhill, skyrunning jäne alpiniadada baq synap köredı. Belsendı jarystardan bölek, almatylyqtar men qala qonaqtaryna auqymdy mädeni-sauyqtyq baǧdarlama da ūsynylmaq. Baǧdarlama aiasynda yrǧaqty DJ-setterı, taqyryptyq şeberlık-saǧattary, baiqaular, sonymen qatar tau turizmı gidterı men nūsqauşylarynyŋ bılımın jetıldıruge arnalǧan Shymbulak Outdoor Meetings kezdesuı ūiymdastyrylady. Jarystarǧa jäne ıskerlık Forumǧa tırkelgen qatysuşylardyŋ jaily jürıp-tūruy üşın, ärı 1 qazan künı joldardyŋ ışınara jabyluyna bailanysty «Şymbūlaq» TK tegın avtobustar ūsynyp otyr. Olar 1 jäne 2 qazan künderı Abai köşesı men Dostyq daŋǧylynyŋ qiylysynan saǧat 8:00-den qatynai bastaidy. Oǧan qosa, Almaty äkımdıgı ıs-şara ötetın künderı «Medeu» mūz aidynyna deiın qatynaityn №12 qalalyq avtobus baǧyttaryna qosymşa avtobustar jıberedı. Almaty Mount Fest 2023 baǧdarlamasy: 29 qyrküiek 2023 j. - Abai alaŋyndaǧy saltanatty aşylu räsımı, starttyq paketter beru, BAQ tırkeu; 30 qyrküiek 2023 j. - būqaralyq turistık joryq (TURİADA), onda 6 men 14 jas aralyǧyndaǧy balalar men mümkındıgı şekteulı adamdarǧa arnaiy daiyndalǧan baǧyttar da bar; - tau velosipedımen tömen tüsu jarysy (DOWNHILL); 1 qazan 2023 j. - tauly jerde jügıru jarysy (SKYRUNNING); - «Molodejnyi» şyŋyna jappai köterılu (ALPİNİADA). 2 qazan 2023 j. - «Tau turizmın damytudyŋ jaŋa mümkındıkterı» taqyrybynda ötetın halyqaralyq ıskerlık forum; - saltanatty jabylu räsımı. Festival ötetın negızgı jerler – «Medeu» TSK men «Şymbūlaq» TK. Düniejüzılık turizm künıne orailastyrylǧan festival 4 kün qatarynan ötedı. Qosymşa aqparatty saittan aluǧa bolady. Festivalge qatysu üşın akkreditasiiadan ötken jurnalister BAQ arnalǧan beidjderdı 26 qyrküiek Abai alaŋynda saǧat 16:00 men 19:00 aralyǧynda baspasöz-ortalyǧynyŋ qyzmetkerlerınen ala alady.