دەپۋتات امانجول ءالتاي سالت-ءداستۇرىمىزدى بۇرمالاۋشىلىقتان ساقتاۋ كەرەكتىگىن ايتتى، دەپ جازادى "ادىرنا".
امانجول ءالتاي وزىنە دەيىن جولدانعان دەپۋتاتتىق ساۋال يەلەرى قازىبەك يسا مەن ەرمۇرات باپيدىڭ ءسوزىن قولداپ، قوعامدا بەلەڭ العان ءتۇرلى ءدىني تەرىس اعىمداعىلاردىڭ ىسىنە زاڭمەن تىيىم سالى قاجەتتىگىن ايتتى.
"مەملەكەت دىننەن بولەكپىز دەپ، جات-اعىمداردىڭ تايراڭداۋىنا جول بەرىلدى. ۇلتتىق قۇندىلىقتارىمىزعا، سالت-داستۇرىمىزگە شابۋىلداۋشى كۇشتەرگە «ءاي» دەيتىن اجە، «قوي» دەيتىن قوجا بولمادى. وكىنىشكە قاراي، ەتەك-جەڭىمىزدى جيناپ، ەسىمىزدى جيا الماي كەلەمىز. مەنىڭشە، ءبىزدىڭ مەملەكەت رەتىندە ارالاسىپ، جونگە سالاتىن ۋاقىتىمىز الدەقاشان كەلدى. ۇكىمەت وسىنى ويلاپ ناقتى قادامدار جاساۋ ءتيىس. ءسوزىمنىڭ ءتۇيىنى! حالىقتى ازدىراتىن وسىنداي شابۋىلدارعا توقتاۋ، زاڭمەن تىيىم سالماساق بولمايدى. سالت-داستۇرىمىزبەن، ءتول مادەنيەتىمىزبەن ۇيلەسىم تاپقان ءداستۇرلى ءدىنىمىزدى جات اعىمدارمەن بۇزىپ المايىق!" دەپ قوستى ول.
