ازيا ويىندارىنىڭ سوڭعى جارىس كۇنىندە قازاقستان كومانداسى سينحروندى جۇزۋدەن ازيادادا "قولانى" جەڭىپ الدى، دەپ حابارلايدى "ادىرنا" ءتىلشىسى.
تارتىستى باسەكە 2023 جىلدىڭ 23 قىركۇيەگىنەن باستاپ، 8 قازان ارالىعىندا قىتايدىڭ حانچجوۋ قالاسىندا ءوتىپ جاتىر. سوڭعى جارىس كۇنىندە ەل قورجىنى تاعى ءبىر قولا جۇلدەمەن تولىقتى.
سينحروندى جۇزۋدەن مەدال ءۇشىن قازاقستاندىق كوماندا قۇرامى: نارگيزا بولاتوۆا، ايگەرىم قۇرمانعاليەۆا، كسەنيا ماكاروۆا، ارينا مياسنيكوۆا، اننا پاۆلەتسوۆا، جاكلين ياكيموۆا، جانيا جيەنعازى، ەتەري كاكۋتيا كۇرەستى.
حانچجوۋ قالاسىندا ءوتىپ جاتقان XIX ازيا ويىندارىندا جانكۇيەرلەر كاراتەدەن باق سىنايتىن سپورتشىدان جۇلدە كۇتىپ وتىر.
كاراتە سپورت تۇرىنەن قازاقستان قۇراماسىنىڭ وكىلى ءمولدىر جاڭبىرباي ونەر كورسەتەدى.
15 كۇنگە سوزىلعان دودانىڭ قورىتىندىسى بويىنشا ازىرگە ەل قورجىنىندا 79 مەدال بار – 10 التىن، 21 كۇمىس جانە 48 قولا. مەدالدىق ەسەپتە مەملەكەتتەر اراسىندا قازاقستان 11-ءشى ورىندا تۇر.
