2025 جىلى اقتاۋ «تۇركى الەمىنىڭ مادەني استاناسى» مارتەبەسىنە يە بولادى، دەپ حابارلايدى «ادىرنا» ۇلتتىق پورتالى.
بۇگىن ازەربايجان قالاسى شۋشادا تۇركسوي تۇركى مادەنيەتى مەن ونەرىن دامىتۋ جونىندەگى حالىقارالىق ۇيىمعا مۇشە مەملەكەتتەردىڭ 40-وتىرىسى ءوتتى. وندا 2025 جىلى اقتاۋ «تۇركى الەمىنىڭ مادەني استاناسى» بولادى دەپ ماڭىزدى شەشىم قابىلداندى.
بۇل تۋرالى تۇركسوي حالىقارالىق ۇيىمىنىڭ قازاقستاندىق وكىلى باقىتجان ومار Facebook پاراقشاسىندا جازدى.
بۇل – ۇلكەن جەتىستىك. جىل بويى تۇركى ەلدەرى كاسپي جاعالاۋىنا جينالىپ، ءتۇرلى ءىس-شارالار وتكىزەدى. وسىنىڭ ارقاسىندا ءوڭىردىڭ تۋريستىك الەۋەتى ارتادى، - دەدى باقىتجان وماروۆ.
بۇعان دەيىن «تۇركى الەمىنىڭ مادەني استاناسى» مارتەبەسىنە استانا مەن تۇركىستان قالالارى يە بولعان.
