الماتىداعى تۇرعىن ءۇي كەشەنىنىڭ بىرىندە جاس قىز 16 قاباتتان قۇلاپ قازا بولدى، دەپ حابارلايدى «ادىرنا» ۇلتتىق پورتالى Stan.kz اقپارات اگەنتتىگىنە سىلتەمە جاساپ.
كۋاگەرلەردىڭ ايتۋىنشا، بويجەتكەن بۇل ۇيدە تۇرماعان. ول پاتەر تەرەزەسىنەن ەمەس، عيماراتتىڭ باسپالداعىنداعى بالكوننان قۇلاپ كەتكەن.
وقيعا كەشە كەشكى التىلار شاماسىندا بولعان. تۇرعىندار جاس قىزدىڭ كومەككە شاقىرعان داۋسىن ەستىگەندەرىن ايتادى. ال كەيىنىرەك بويجەتكەننىڭ بالكوننان اياق كيىمى مەن سومكەسىن تاۋىپتى. ازىرگە بۇل جاعدايعا نە تۇرتكى بولعانى بەلگىسىز. ازاماتتاردىڭ كەيبىرى الەۋمەتتىك جەلىگە ۆيدەو ءتۇسىرۋ كەزىندە قۇلاپ كەتۋى مۇمكىن دەيدى.
قازىرگى ۋاقىتتا قىلمىستىق كودەكستىڭ 105-ءشى، «ءوزىن ءوزى ولتىرۋگە دەيىن جەتكىزۋ» بابى بويىنشا ءىس تەرگەلۋدە.
«بۇل قىزدىڭ سىمباتتى ەكەنى جانە جاقسى كيىنگەنى، جاقسى وتباسىدان شىققان كورىنىپ تۇر. ءوزىن-ءوزى ولتىرۋگە بارادى دەگەنگە سەنبەيمىز. تەك ۆيدەو ءتۇسىرۋ كەزىندە وقىس جاعداي ورىن الدى ما دەگەن ويدامىز»، - دەدى الماتى قالاسىنىڭ تۇرعىنى سۋرايا ساپاروۆا.
«ادىرنا» ۇلتتىق پورتالى
