Almatydaǵy turǵyn úı kesheniniń birinde jas qyz 16 qabattan qulap qaza boldy, dep habarlaıdy «Adyrna» ulttyq portaly Stan.kz aqparat agenttigine silteme jasap.
Kýágerlerdiń aıtýynsha, boıjetken bul úıde turmaǵan. Ol páter terezesinen emes, ǵımarattyń baspaldaǵyndaǵy balkonnan qulap ketken.
Oqıǵa keshe keshki altylar shamasynda bolǵan. Turǵyndar jas qyzdyń kómekke shaqyrǵan daýsyn estigenderin aıtady. Al keıinirek boıjetkenniń balkonnan aıaq kıimi men sómkesin taýypty. Ázirge bul jaǵdaıǵa ne túrtki bolǵany belgisiz. Azamattardyń keıbiri áleýmettik jelige vıdeo túsirý kezinde qulap ketýi múmkin deıdi.
Qazirgi ýaqytta qylmystyq kodekstiń 105-shi, «Ózin ózi óltirýge deıin jetkizý» baby boıynsha is tergelýde.
«Bul qyzdyń symbatty ekeni jáne jaqsy kıingeni, jaqsy otbasydan shyqqan kórinip tur. Ózin-ózi óltirýge barady degenge senbeımiz. Tek vıdeo túsirý kezinde oqys jaǵdaı oryn aldy ma degen oıdamyz», - dedi Almaty qalasynyń turǵyny Sýraıa Saparova.
«Adyrna» ulttyq portaly
