Almaty polıeıleri adam urlaǵan úsh jigitti ustady. Olar er adamdy kólik bagajyna salyp, kúshtep alyp bara jatqan jerinen ustaldy. Urlaǵandar jaıly aqparat Polisia.kz medıa-portalynda jarııalandy, der habarlaıdy “Adyrna” ulttyq portaly.
Derekke súıensek, qylmys Almaly aýdanynda bolǵan. Kezekshi bólim telefonyna Chevrolet markali kóligine adamdy kúshtep otyrǵyzý týraly habarlama túsedi. Dereý qala boıynsha “Ustaý” jospary engizilip, kólikti eki ekıpaj Maqataev pen Jetisý kósheleriniń qıylysynda toqtatady.
“Salondaǵy úsh adam ustaldy. Júksalǵyshtan taǵy bir er adam tabyldy. Ol atalǵan kóliktiń ıesi ekeni belgili boldy. Kúdiktiler jedel-tergeý tobyna tapsyryldy, - delingen polıııa aqparatynda.
Keıinnen kólik ıesi jaǵdaıdyń qalaı bolǵanyn túsindirdi. Sózinshe álgi jigitter ony kúshtep kólik bagajyna basqan. Artynsha taýǵa aparyp, óltiretinin aıtypty. Al kúdiktiler bolsa jábirlenýshiniń iri kólemde aqshaǵa aldap ketkenin jáne sol úshin osy qadamǵa barǵandaryn aıtyp aqtalýda.
Qazirgi tańda atalǵan iske baılanysty tergeý jumystary bastaldy.
