استانا قالاسىنداعى وقۋ ورىندارىنىڭ بىرىندە «قر تۇڭعىش پرەزيدەنتى – ەلباسى» دەگەن سوزدەر الىنىپ تاستالادى، دەپ حابارلايدى "ادىرنا" ءتىلشىسى.
12 قازان كۇنى سەناتتىڭ جالپى وتىرىسىندا «قازاقستاننىڭ كەيبىر زاڭنامالىق اكتىلەرىنە ۇلتتىق قوردان بالالارعا ارنالعان قاراجاتتى ەسەپتەۋ، تولەۋ جانە پايدالانۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالدى. دەپۋتاتتار قۇجاتتى ماجىلىسكە قايتا قايتاردى.
وتىرىستان سوڭ سەنات دەپۋتاتى بەكبول ورىنباساروۆ قۇجاتتا قر تۇڭعىش پرەزيدەنتى نۇرسۇلتان نازارباەۆتى تاعى ءبىر قۇرمەتىنەن ايىراتىن نورما بارىن ايتتى. قازاقستاننىڭ ەكس-پرەزيدەنتى نۇرسۇلتان نازارباەۆتىڭ ەسىمىمەن اتالاتىن ۇلتتىق قورعانىس ۋنيۆەرسيتەتى ەندى "ۇلتتىق قورعانىس ۋنيۆەريتەتى" دەپ اتالادى.
ء"بىز ەرەكشە زاڭ جوباسىن قارادىق" دەگەن دەپۋتات جوبانى تالقىلاۋ بارىسىندا بىرنەشە وزگەرىستەر ەنگىزگەنىن ايتادى. وزگەرىستەر قاتارىندا استاناداعى تۇڭعىش پرەزيدەنت ەلباسى اتىنداعى ۇلتتىق قورعانىس ۋنيۆەرسيتەتىنەن "تۇڭعىش پرەزيدەنتى - ەلباسى" دەگەن سوزدەر الىپ تاستالادى:
تۇڭعىش پرەزيدەنت جانە ەلباسى تۋرالى» زاڭنىڭ وزگەرۋىنە بايلانىستى ءبىز وسى ماسەلەنى ارنايى قارادىق. «قازاقستاننىڭ ارناۋلى مەملەكەتتىك ورگاندارى تۋرالى» زاڭنىڭ نورماسىنا سايكەس كەلتىرۋ كەرەك بولدى. زاڭمەن قازاقستاننىڭ تۇڭعىش پرەزيدەنتى – ەلباسى اتىنداعى ۇلتتىق قورعانىس ۋنيۆەرسيتەتىندە وقىتۋ ماسەلەسى رەگلامەنتتەلگەن. سەناتورلار وسى ۋنيۆەرسيتەتىڭ اتاۋىن قازاقستان رەسپۋبليكاسى تۇڭعىش پرەزيدەنتىنىڭ ەسىمى دەگەن سوزدەردى «قازاقستاننىڭ تۇڭعىش پرەزيدەنتى – ەلباسى تۋرالى» كونستيتۋتسيالىق زاڭنىڭ قولدانىلۋىن توقتاتىلۋىنا بايلانىستى قازاقستان رەسپۋبليكاسى دەگەن سوزدەرمەن اۋىستىرۋدى ۇسىندى، - دەدى دەپۋتات.ەسكە سالايىق، 2019 جىلدىڭ 19 ناۋرىزىندا ساعات 19:00-دە قازاقستاندى 30 جىلعا جۋىق ۋاقىت باسقارعان نۇرسۇلتان نازارباەۆ ارنايى مالىمدەمە جاساپ، پرەزيدەنتتىكتەن كەتەتىنىن جاريالادى. ۋاقىت وتە تۇڭعىش پرەزيدەنتكە قاتىستى بىرنەشە زاڭ جوبالارى قابىلدانىپ، نۇرسۇلتان نازارباەۆ "ەلباسى" تيتۋلىنان ايىرىلعان ەدى. ال 2023 جىلدىڭ 15 اقپانىندا مەملەكەت باسشىسى «تۇڭعىش پرەزيدەنت – ەلباسى تۋرالى» كونستيتۋتسيالىق زاڭنىڭ كۇشi جويىلدى دەپ تانۋ تۋرالى» كونستيتۋتسيالىق زاڭعا قول قويدى.
