قاراعاندى وبلىسىندا جول اپاتىنان ەكى ادام قازا تاپتى، دەپ حابارلايدى "ادىرنا" ءتىلشىسى.
15 قازان كۇنى قاراعاندى-مولودەجنىي تاسجولىندا 2 كولىك سوعىستى. قازاقستان اۋىلىنان 2 شاقىرىم جەردە Hyundai Sonata جەڭىل كولىگى مەن Neoplan اۆتوبۋسى جول اپاتىنا ۇشىراپ، سالدارىنان ادام شىعىنى بولدى.
بۇل تۋرالى اۋداندىق پوليتسيا حابارلادى.
«جول-كولىك وقيعاسىنىڭ سالدارىنان Hyundai Sonata اۆتوكولىگىنىڭ ەكى جولاۋشىسى وقيعا ورىنىندا قازا بولدى. اتالعان دەرەك بويىنشا قىلمىستىق كودەكسسىڭ 345-بابى 3-تارماعىنا سايكەس قىلمىستىق ءىس قوزعالدى. ءتيىستى ساراپتامالار تاعايىندالدى. تەرگەۋ ءجۇرىپ جاتىر»، - دەدى وساكاروۆ اۋداندىق پوليتسيا ءبولىمىنىڭ باستىعى ازيز جۇماعازيەۆ.
ۇقساس جاڭالىقتار
