كەڭ بايتاق قازاق جەرىنەن جولاۋشىلاپ رەسەي، گرۋزيا، تۇركيا مەملەكەتتەرىن جاياۋ ارالاعان قازاق جيھانگەزى سارسەنباي وسپانۇلى 73 كۇندىك ساپارىن ىستانبۇلدا اياقتادى. بۇل تۋرالى ەرجان ءۋايىس فەيسبۋك پاراقشاسىندا جازدى، دەپ حابارلايدى «ادىرنا» ۇلتتىق پورتالى.
سارسەنباي وسپانۇلى 73 جاستا، ۇلىتاۋ ءوڭىرىنىڭ تۋماسى. وتكەن جىلى قازاقستاننىڭ بارلىق وبلىستارىن، ياعني ۇلىتاۋ، اتىراۋ، الماتى، استاناعا دەيىن 8000 شاقىرىمدىق جولدى ءجۇرىپ وتكەن.«جەزقازعان مەن قىزىلوردا وبلىسىنىڭ شەكاراسىنان ارنايى قارسى الىپ، سىر ەلىندە 3 كۇن اۋدانداردى ارالاپ قوناق ەتتىك. قورقىت اتا كەسەنەسىندە بولدى. ارى قاراي تۇركىستانداعى قوجا احمەت يااسساۋي كەسەنەسىندە بىرگە بولعان جاقسى كۇندەرىم ەستە قالدى»، - دەپ جازدى ەرجان ءۋايىس.سارسەنباي قاريا تۇركيا استاناسى انكارادا اتا تۇرىك كەسەنەسىنە زيارات ەتىپ، قازاق ەلشىسى ەركەبۇلان ساپيەۆتىڭ قابىلداۋىندا بولعان. انكارادان ىستانبۇلعا 500 شاقىرىم جەردى جەلماياداي جەلىپ، ازيا مەن ەۋروپانى جالعاستىراتىن مەحمەت فاتيھ سۇلتان اسپالى كوپىرىنەن وتكەن. 20 ميلليون حالقى بار وسمان سۇلتاندارىنىڭ وتانى بولعان ىستانبۇلدىڭ كورىكتى جەرلەرىن ارالاپ، سونداي-اق كونە اتاقتى ايا سوفيا كەسەنەسىندە وعان قاراما-قارسى تۇرعان التى مۇنارالى سۇلتان احمەت ءزاۋلىم مەشىتىندە بولعان.
«باس كيىمىندە قازاقستان مەن تۇركيانىڭ شاعىن جالاۋلارى قادالعان، قولىندا 2 مەترلىك قازاقتىڭ كوك بايراعى وسى الاڭعا كەلۋشىلەردىڭ نازارىن اۋداردى. ءبىر توپ تۋريستەر اراسىنان قازاق جالاۋىن ۇستاعان اقساقالدى كورىپ ۆيكتور ەسىمدى نەمىس جىگىتى، ايەلى نەمىس قىزى سۆەتلانامەن بىرگە كەلىپ اتانى قۇتتىقتادى. قازاقستاندا اقمولادا تۋىپ وسكەن نەمىس ۇلتىنىڭ وكىلدەرى ەكەن. قازىر گەرمانياعا قونىس اۋدارعاندارىنا 9 جىل بولىپتى. قازاق ەلىنە، حالقىنا قۇرمەتىم شەكسىز، ەلگە سالەم ايتىڭىزدار دەپ قازاقشا قوشتاستى. ەستەلىك سۋرەتكە ءتۇستى»، - دەپ اتاپ وتكەن ەرجان.سارسەنباي اقساقالدىڭ ساپارىنىڭ ماقساتى - قازاق ەلىن، قازاق ۇلتىن الەمگە تانىتۋ. سالت-ءداستۇرىن، قولونەرىن ناسيحاتتتاۋ. شاھاردىڭ ازيا بولىگىندە ەۋروپادا ءبىرىنشى سانالاتىن «شاملىجا» مەشىتىندە بولعان. مۇندا ءبىر مەزگىلدە 67 مىڭ ادام نامازعا تۇرا الادى. استىڭعى قاباتىندا مۇراجاي، كىتاپحانا، كورمە زالى، مەيرامحانا، اۆتو تۇراق ورنالاسقان. مەشىتتى تىكەلەي ەل باسشىسى ەرەجەپ تايىپ ەردوعان سالدىرعان. سونىمەن قاتار سارسەنباي وسپانۇلى وسىدان 70 جىل بۇرىن سوناۋ التايدان ءۇندى، پاكىستان ارقىلى تۇركيادان پانا تاپقان قانداس باۋىرلارىمىزدىڭ العاشقى تۇرعىزعان قازاق كەنت قالاشىعىنا بارعان. 1973 جىلى نەگىزى قالانعان التاي مەشىتىندە ۇلكەن كوشتىڭ كەلۋىنە 50 جىل (1952-2002 ج.ج) كورسەتىلگەن ۇزىندىعى 10 مەتر بولاتىن قارا مارمار تاس بەلگىسى، ەكى شەتىندە قازاق جانە تۇرىك بايراقتارى بار. بۇدان بولەك، قازاقتىڭ ايگىلى پالۋانى تايكۆاندو كۇرەسىنىڭ نەگىزىن قالاۋشى مۇستافا كابەنۇلى وزتۇرىك اتىنداعى دەمالىس ساياباعىندا، مۇستافا كابەنۇلىنىڭ مازارلىعى باسىندا بولىپ، رۋحىنا قۇران باعىشتاعان. ايتالىق، كەلەر جىلى مۇستافانىڭ تۋعانىنا 70 جىل تولۋ شاراسى وتەدى. ساپار بارىسىندا قازاق قانداستارىمىزدىڭ كورنەكتى وكىلىنىڭ ءبىرى ءمانسۇر ءتايجى تۇركياداعى اعايىنداردىڭ ءومىرى جانە مۇستافانىڭ ارتىندا قالعان مۇرالارى جايلى اڭگىمەلەنگەن. جيھانگەز اقساقالدىڭ جانىندا ەرجان ءۋايىس، پازىل توپلى، 90 جاستاعى ابدۋراھمان چەتين بولدى. قوناقتاردى مۇباراك سادەيۇلى ارنايى داستارحان جايىپ قوناق ەتكەن. قوناقتار زەيتۇنبۇرىنداعى قازاق-تۇرىك قوعامىن قۇرۋشىلاردىڭ ءبىرى پازىل توپلىنىڭ شاڭىراعىندا قۇرمەتتى قوناق بولعان. سونداي-اق سارسەنباي وسپانۇلى ىستانبۇلداعى باس كونسۋل نۇريددين امانقۇلمەن كەزدەسكەن. سونىمەن بىرگە قازاقستان مادەنيەت جانە ساۋدا ورتالىعىندا تۇركيانىڭ 100 جىلدىعى جانە تۇركسوي-دىڭ 30 جىلدىعى، قازاقستان مەن تۇركيا بايلانىسىنىڭ 31 جىلدىعىنا وراي اشىلعان كورمەنى تاماشالاعان. ايتا كەتەيىك، سارسەنباي وسپانۇلىنىڭ ىستانبۇلداعى ساپارىنا بەلگىلى قازاق كاسىپكەرى عانيمەت قايساۇلى تولىقتاي دەمەۋشىلىك كورسەتكەن. كۇنى كەشە سارسەنباي قاريانى ىستانبۇل اۋەجايىنان استاناعا قازاقستان مادەنيەت جانە ساۋدا ورتالىعىنىڭ وكىلدەرى شىعارىپ سالدى.
«ادىرنا» ۇلتتىق پورتالى
