ەلورداداعى «ازىرەت سۇلتان» مەشىتىندە كەلۋشىلەر مەن قىزمەتكەرلەر ەۆاكۋاتسيالاندى، دەپ حابارلايدى "ادىرنا" ءتىلشىسى قالالىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
17 قازان كۇنى پوليتسياعا ءبىر ايەل حابارلاسىپ، بەلگىسىز بىرەۋ ونىڭ چەمودانى مەن ريۋكزاگىن مەشىت اۋماعىنداعى دۇكەنگە تاستاپ كەتىپ، قايتىپ كەلمەگەنىن حابارلاعان. ول سونىمەن قوسا قالدىرىپ كەتكەن زاتتاردان شىعاتىن كۇدىكتى دىبىستاردى دا اتاپ ءوتتى.
«وقيعا ورنىنا دەرەۋ توتەنشە جاعدايلار قىزمەتى جىبەرىلدى. وسىنداي حابارلامالارعا جاۋاپ رەتىندە جانە «تەرروريزمگە قارسى ءىس-قيمىل تۋرالى» قازاقستان رەسپۋبليكاسىنىڭ زاڭىنا سايكەس اۋماق وقشاۋلاندى. مەشىتتە بولعانداردىڭ بارلىعى قاۋىپسىز ايماققا اۋىستىرىلدى»، - دەپ حابارلادى پوليتسيا دەپارتامەنتىنەن.
چەمودان مەن ريۋكزاكتى ءتىنتۋ كەزىندە قاۋىپتى زاتتار تابىلمادى. قازىر پوليتسەيلەر تاستالعان جۇكتىڭ يەسىن انىقتاۋدا.
