بۇگىن, 18 قازان كۇنى الماتىدا قازاقستاندىقتار ءۇشىن ءداستۇرلى مەرەكە بولىپ سانالاتىن رۋحاني كەلىسءىم كۇنىنە وراي «ءدىن الەۋمەتتىك تەپە-تەڭدىك ءۇشىن: قۇمار ويىندارعا تاۋەلدىلىكپەن كۇرەس» تاقىرىبىندا دوڭگەلەك ۇستەل ءوتتى, دەپ حابارلايدى «ادىرنا» ءتىلشىسى.
«Kazzhol Park Almaty» قوناق ۇيىندە ۇيىمداستىرىلعان ءىس-شاراعا ءارتۇرلى ءدىني كونفەسسيالاردىڭ كوشباسشىلارى, مەملەكەتتىك ورگاندار مەن ۇكىمەتتىك ەمەس ۇيىمداردىڭ وكىلدەرى, ءتۇرلى وبلىستاردىڭ جەتەكشى ساراپشىلارى مەن مامانداندىرىلعان وڭالتۋ ورتالىقتارىنىڭ وكىلدەرى قاتىسىپ, پىكىر ءبىلدىردى.
اتاپ ايتقاندا، الماتى قالاسى ءدىن ىستەرى جونىندەگى باسقارماسىنىڭ باسشىسى نۇرلان قيقىموۆ پەن مەكەمەنىڭ باسقا دا وكىلدەرى، يسلامدىق، پراۆوسلاۆتىق، كاتوليكتىك، باپتيستىك، بۋدديستىك، كريشنايتتىك جانە باسقا دا ءارتۇرلى كونفەسسيا وكىلدەرى قاتىسىپ، قوعام دەرتىنە اينالعان ماسەلە بويىنشا ءوز ويلارىمەن ءبولىستى.
سپيكەرلەر لۋدومانيا دەرتىنىڭ شىعۋ سەبەبىنءسوز ەتىپ, ونى الدىن الۋ ءۇشىن قانداي ءىس-شارالار ىستەۋ كەرەكتىگىن تالقىلادى.
«حاق نازار» قورىنىڭ توراعاسى نۇرجانجاقىپوۆتىڭ ايتۋىنشا, لۋدوماندار ناشاقورلارعا قاراعاندا ءجيى سۋيتسيد جاسايدى.
«ناركومانيا مەن لۋدومانيا ءبىر-بىرىمەن تىعىز بايلانىستى, ءتىپتى ءبىر دۇنيە دەپ قاراستىرۋعا بولادى. ءبىرىنشى توپ ءبىر زاتقا تاۋەلدى بولسا, ەكىنشىتوپ ادرەناليننىڭ جەتەگىندە جۇرەدى. ءبىزدىڭ قورقۇمار ويىندارىمەن كۇرەس ماسەلەسىمەن 3 جىلدانبەرى اينالىسىپ كەلەدى, تەگىن كومەك تە بەرەمىز. نەگىزىنەن بۋكمەكەرلىك كومپانيالار تەز بايۋ جولىن ۇسىنادى, ال قازىرگى جاستارعا بۇل ۇنايدى. قۇمار ويىندارىنىڭ جارناماسى ءار جەردە ءجۇر. كوشەگە شىقساڭ دا، الەۋمەتتىك جەلىگە كىرسەڭ دە، تەلەديدار كورسەڭ دە الدىمىزعا شىعا بەرەدى. بۇنى مەن گيپنوز دەپ اتار ەدىم. بۇرىن بۇنداي ويىنداردى ويناۋ قولجەتىمدى ەمەس ەدى. ەسىرتكى دە ءدال سولاي. ونى ساتىپ الۋ ءۇشىن تانىس تابۋ قاجەت بولاتىن. ال قازىر ءبىر-ەكى قادام جاساساڭ بولدى, قالاعانىنا قينالماي جەتەسىڭ. لۋدوموندار — ءوز ىسىنە جاۋاپ بەرە المايتىن جاندار. ولار اقشا تابۋ ءۇشىن بارىنە بارادى. جاقىندارىنان اقشا سۇرايدى, مۇلكىن ساتادى, سوڭى سۋيتسيدپەن اياقتالادى. دۇنيەجۇزىلىك دەنساۋلىق ساقتاۋ ۇيىمى لۋدومانيا پسيحيكالىق اۋرۋ رەتىندە قاراستىرادى. بۇل دەرتتەن ايىعۋ وڭاي ەمەس. كەيدە ەمدەلۋ ۇزاقتىعى 1 جىلعا دەيىن سوزىلىپ جاتادى»،—دەدى ول.
ال الماتى ورتالىق مەشىتىنىڭ ءنايب يمامى تيمۋر اليەۆ كونفەرەنتسيادا جاستار اراسىندا قۇمار ويىندارىنا تاۋەلدىلىكتىڭ كۇن ساناپ ارتىپ جاتقانىن ايتتى.
«لۋدومانيا كورسەتكىشى جىلدام وسۋدە. اسىرەسە بۇل جاستار اراسىندا بەلەڭ الىپ كەلەدى. جاستار — ەلىمىزدىڭ قوزعاۋشى كۇشى ەكەنىن ەسكەرسەك, كۇندەردىڭ ءبىر كۇنى لۋدومانيا ۇلكەن قاسىرەتكە اكەلۋى مۇمكىن ەكەنىنە كوز جەتكىزە الامىز. كەز كەلگەن ءدىندى, سونىڭ ىشىندە يسلامدى الساق, قۇمار ويىندارىن ويناۋ كۇنا بولىپ ەسەپتەلەدى. دىندە بۇعان تىيىم سالىنعان.
بيىل قۇمار ويىنىنا قۇمارتىپ, ودان ەمدەلۋ ءۇشىن مەشىتكە كەلەتىندەر سانى كۇرت ءوستى. ءار اپتا سايىن بىزگە لۋدومانداردىڭ ايەلى, تۋعان-تۋىستارى كەلىپ, كومەك سۇرايدى. وسىدان-اق ستاتيسيكانىڭ ارتقانىن بىلە الامىز. ال لۋدومانداردىڭ ءوزى پسيحولوگتارعا, ءارتۇرلى ساۋىقتىرۋ ورتالىعىنا بارىپ, ەم تاپپاعاننان كەيىن عانا مەشىتكە جۇگىنەدى. ءبىز قولدان كەلگەنشە كومەك بەرىپ, ءتۇزۋ جولعا سالۋعا تىرىسامىز. شىن نيەتتەنۋىن سۇرايمىز. لۋدومانداردى ەمدەۋدە ۇلكەن ءتوزىم كەرەك. بارلىعىمىز جۇمىلا كىرىسسەك, ولاردى اۋرۋىنان ايىقتىرا الامىز»،—دەپ ءسوزىن تولىقتىردى يمام.
ەسكە سالايىق, بۇعان دەيىن پرەزيدەنت قاسىم-جومارت توقاەۆ لۋدومانيا قازاقستان قوعامىندا دەندەپ كەلە جاتقان دەرت ەكەنىن ايتىپ, قۇمار ويىندارىنا قارسى كۇرەستە ءتۇسىندىرۋ جۇمىستارىنا ەرەكشە ءمان بەرىلۋگە ءتيىس ەكەنىن تۇسىندىرگەن ەدى.
دەنساۋلىق ساقتاۋ مينيسترلىگى مالىمەتىنشە, قازاقستاندا شامامەن 36 مىڭ لۋدومان بار.
