Bügın, 18 qazan künı Almatyda qazaqstandyqtar üşın dästürlı mereke bolyp sanalatyn Ruhani kelısım künıne orai «Dın äleumettık tepe-teŋdık üşın: qūmar oiyndarǧa täueldılıkpen küres» taqyrybynda döŋgelek üstel öttı, dep habarlaidy «Adyrna» tılşısı.
«Kazzhol Park Almaty» qonaq üiınde ūiymdastyrylǧan ıs-şaraǧa ärtürlı dıni konfessiialardyŋ köşbasşylary, memlekettık organdar men ükımettık emes ūiymdardyŋ ökılderı, türlı oblystardyŋ jetekşı sarapşylary men mamandandyrylǧan oŋaltu ortalyqtarynyŋ ökılderı qatysyp, pıkır bıldırdı.
Atap aitqanda, Almaty qalasy Dın ısterı jönındegı basqarmasynyŋ basşysy Nūrlan Qiqymov pen mekemenıŋ basqa da ökılderı, islamdyq, pravoslavtyq, katoliktık, baptistık, buddistık, krişnaittık jäne basqa da ärtürlı konfessiia ökılderı qatysyp, qoǧam dertıne ainalǧan mäsele boiynşa öz oilarymen bölıstı.
Spikerler ludomaniia dertınıŋ şyǧu sebebınsöz etıp, ony aldyn alu üşın qandai ıs-şaralar ısteu kerektıgın talqylady.
«Haq Nazar» qorynyŋ töraǧasy NūrjanJaqypovtyŋ aituynşa, ludomandar naşaqorlarǧa qaraǧanda jiı suisid jasaidy.
«Narkomaniia men ludomaniia bır-bırımen tyǧyz bailanysty, tıptı bır dünie dep qarastyruǧa bolady. Bırınşı top bır zatqa täueldı bolsa, ekınşıtop adrenalinnıŋ jetegınde jüredı. Bızdıŋ qorqūmar oiyndarymen küres mäselesımen 3 jyldanberı ainalysyp keledı, tegın kömek te beremız. Negızınen bukmekerlık kompaniialar tez baiu jolyn ūsynady, al qazırgı jastarǧa būl ūnaidy. Qūmar oiyndarynyŋ jarnamasy är jerde jür. Köşege şyqsaŋ da, äleumettık jelıge kırseŋ de, teledidar körseŋ de aldymyzǧa şyǧa beredı. Būny men gipnoz dep atar edım. Būryn būndai oiyndardy oinau qoljetımdı emes edı. Esırtkı de däl solai. Ony satyp alu üşın tanys tabu qajet bolatyn. Al qazır bır-ekı qadam jasasaŋ boldy, qalaǧanyna qinalmai jetesıŋ. Ludomondar — öz ısıne jauap bere almaityn jandar. Olar aqşa tabu üşın bärıne barady. Jaqyndarynan aqşa sūraidy, mülkın satady, soŋy suisidpen aiaqtalady. Düniejüzılık densaulyq saqtau ūiymy ludomaniia psihikalyq auru retınde qarastyrady. Būl dertten aiyǧu oŋai emes. Keide emdelu ūzaqtyǧy 1 jylǧa deiın sozylyp jatady»,—dedı ol.
Al Almaty Ortalyq meşıtınıŋ näib imamy Timur Aliev konferensiiada jastar arasynda qūmar oiyndaryna täueldılıktıŋ kün sanap artyp jatqanyn aitty.
«Ludomaniia körsetkışı jyldam ösude. Äsırese būl jastar arasynda beleŋ alyp keledı. Jastar — elımızdıŋ qozǧauşy küşı ekenın eskersek, künderdıŋ bır künı ludomaniia ülken qasıretke äkeluı mümkın ekenıne köz jetkıze alamyz. Kez kelgen dındı, sonyŋ ışınde islamdy alsaq, qūmar oiyndaryn oinau künä bolyp esepteledı. Dınde būǧan tyiym salynǧan.
Biyl qūmar oiynyna qūmartyp, odan emdelu üşın meşıtke keletınder sany kürt östı. Är apta saiyn bızge ludomandardyŋ äielı, tuǧan-tuystary kelıp, kömek sūraidy. Osydan-aq statisikanyŋ artqanyn bıle alamyz. Al ludomandardyŋ özı psihologtarǧa, ärtürlı sauyqtyru ortalyǧyna baryp, em tappaǧannan keiın ǧana meşıtke jügınedı. Bız qoldan kelgenşe kömek berıp, tüzu jolǧa saluǧa tyrysamyz. Şyn niettenuın sūraimyz. Ludomandardy emdeude ülken tözım kerek. Barlyǧymyz jūmyla kırıssek, olardy auruynan aiyqtyra alamyz»,—dep sözın tolyqtyrdy imam.
Eske salaiyq, būǧan deiın prezident Qasym-Jomart Toqaev ludomaniia Qazaqstan qoǧamynda dendep kele jatqan dert ekenın aityp, qūmar oiyndaryna qarsy küreste tüsındıru jūmystaryna erekşe män berıluge tiıs ekenın tüsındırgen edı.
Densaulyq saqtau ministrlıgı mälımetınşe, Qazaqstanda şamamen 36 myŋ ludoman bar.
