شۋ قالاسىندا اۋداندىق پوليتسيا ءبولىمىنىڭ جەرگىلىكتى پوليتسيا قىزمەتى بولىمشەسىنىڭ ۋچاسكەلىك ينسپەكتورى تۇسكى ءۇزىلىس ۋاقىتىندا قالىڭدىعىنا قۇدا تۇسۋگە بارىپ ۇلگەرگەن. بۇل جورالعىعا ول پوليتسيا فورماسىن كيىپ بارعان، دەپ حابارلايدى «ادىرنا» ۇلتتىق پورتالى Polisia.kz-كە سىلتەمە جاساپ.
«وسىنداي ەرەكشە كۇندە فورما كيىپ بارۋ — مەن ءۇشىن ۇلكەن مارتەبە بولدى، ويتكەنى بالا كەزىمنەن پوليتسيا قىزمەتكەرى بولۋدى ارماندادىم. بۇل كۇن ءبىزدىڭ جادىمىزدا ماڭگى قالاتىنى ءسوزسىز، بولاشاقتا بالالارىما وسى تاريحي ءساتتى ماقتانىشپەن كورسەتەمىن»، — دەيدى جاس وفيتسەر.
شۋ اۋداندىق پوليتسيا ءبولىمىنىڭ باستىعى، پوليتسيا پودپولكوۆنيگى اسحات المەتوۆتىڭ ايتۋىنشا، لەيتەنانت مامەدوۆ ءوزىنىڭ تۇسكى ءۇزىلىسىن پايدالانعاندىقتان ەشقانداي زاڭ بۇزۋ فاكتىسى بولماعان.
«قىزمەت ەتىپ جۇرگەنىنە از عانا ۋاقىت بولعانىنا قاراماستان ۋچاسكەلىك ينسپەكتور جۇكتەلگەن مىندەتتەردى مۇلتىكسىز ورىندايدى. ول بۇگىندە ارىپتەستەرىنىڭ قۇرمەتىنە جانە وزىنە بەكىتىلگەن اكىمشىلىك اۋماق تۇرعىندارىنىڭ سەنىمىنە يە بولدى»، — دەيدى اسحات المەتوۆ.
پوسموترەت ەتۋ پۋبليكاتسيۋ ۆ Instagram
«ادىرنا» ۇلتتىق پورتالى
