الماتى پوليتسياسى قازاق ءتىلىن قورلاپ، ۇلت ارازدىعىن تۋعىزعانى ءۇشىن جەلى قولدانۋشىسىنىڭ ۇستىنەن قىلمىستىق ءىس قوزعادى. بۇل تۋرالى قازتاگ اگەنتتىگى جاريالادى، دەپ حابارلايدى “ادىرنا” ۇلتتىق پورتالى.
كۇدىكتى قازاق ءتىلىن «مامبەتشە» دەپ اتاعان.
ايەل الەۋمەتتىك جەلىلەردىڭ بىرىندەگى تىكەلەي ەفيردە قازاق ءتىلىن ۇناتپايتىنىن اشىق ايتىپ, قالاعا كوشىپ كەلگەن اۋىل تۇرعىندارىنا ءتىل تيگىزگەن.
ماعان قازاق ءتىلى ۇنامايدى، سونداي مامبەتشە ءتىل عوي. اۋىلدان كەلگەن مامبەتتەر جىنىمدى كەلتىرەدى، سولاردىڭ كەسىرىنەن قالامىزدا جول تىعىنى بولادى. ماعان قازاق ءتىلى ۇنامايدى. قىرعىز ءتىلى دە، قازاق ءتىلى دە مامبەتشە ءتىل، دەگەن الماتىلىق ايەل.الماتى پوليتسياسىنىڭ مالىمدەۋىنشە، كۇدىكتىگە «قازاقستان زاڭناماسىنا ساي شارا قولدانىلادى». قازاقستاندا ۇلت ارازدىعىن تۋعىزعان ادام جەتى جىلعا سوتتالۋى مۇمكىن.
ۇقساس جاڭالىقتار
