باق 70 پايىز قازاق تىلىندە اقپارات تاراتۋعا كوشەدى. بۇل تۋرالى ورتالىق كوممۋنيكاتسيالار قىزمەتىندە ءوتىپ جاتقان ءباسپاسوز ءماسليحاتىندا مادەنيەت جانە اقپارات ءمينيسترى ايدا بالاەۆا ايتتى، دەپ حابارلايدى “ادىرنا” ۇلتتىق پورتالى.
بۇقارالىق اقپارات قۇرالدارى تۋرالى» زاڭ جوباسى اياسىندا مەملەكەتتىك تىلدە تەلەراديوارنالاردا حابار تاراتۋ 50 پايىزدان 70 پايىزعا دەيىن ارتتىرۋ ۇسىنىلىپ وتىر. 50/50 بولعان كەز «بۇقارالىق اقپارات قۇرالدارى تۋرالى» زاڭدا بۇرىن، سوناۋ 1999 جىلى بەكىتىلگەنىن ەسكەرۋ قاجەت، - دەدى ايدا بالاەۆا.
مينيستر باق-تا مەملەكەتتىك تىلدە دايىندالاتىن كونتەنتتىڭ ۇلەسى 80 پايىزدان اسقانىن مالىمدەدى.
قازاقستان حالقىنىڭ 80 پايىزدان استامى مەملەكەتتىك ءتىلدى مەڭگەرگەن. وسى فاكتورلاردىڭ ءبارىن ەسكەرە وتىرىپ، مەملەكەتتىك تىلدەگى تەلەراديو حابارلارىن تاراتۋ كولەمىن 70 پايىزعا جەتكىزۋ تۋرالى شەشىم قابىلداندى. ايتا كەتۋ كەرەك، كوش بىرتە-بىرتە تۇزەلەدى – 2025 جىلدان باستاپ جىل سايىن 5%-عا ارتتىرۋ كوزدەلگەن، - دەدى مادەنيەت جانە اقپارات ءمينيسترى.
