BAQ 70 paıyz qazaq tilinde aqparat taratýǵa kóshedi. Bul týraly Ortalyq kommýnıkaııalar qyzmetinde ótip jatqan baspasóz máslıhatynda Mádenıet jáne aqparat mınıstri Aıda Balaeva aıtty, dep habarlaıdy “Adyrna” ulttyq portaly.
Buqaralyq aqparat quraldary týraly» zań jobasy aıasynda memlekettik tilde teleradıoarnalarda habar taratý 50 paıyzdan 70 paıyzǵa deıin arttyrý usynylyp otyr. 50/50 bolǵan kez «Buqaralyq aqparat quraldary týraly» zańda buryn, sonaý 1999 jyly bekitilgenin eskerý qajet, - dedi Aıda Balaeva.
Mınıstr BAQ-ta memlekettik tilde daıyndalatyn kontenttiń úlesi 80 paıyzdan asqanyn málimdedi.
Qazaqstan halqynyń 80 paıyzdan astamy memlekettik tildi meńgergen. Osy faktorlardyń bárin eskere otyryp, memlekettik tildegi teleradıo habarlaryn taratý kólemin 70 paıyzǵa jetkizý týraly sheshim qabyldandy. Aıta ketý kerek, kósh birte-birte túzeledi – 2025 jyldan bastap jyl saıyn 5%-ǵa arttyrý kózdelgen, - dedi Mádenıet jáne aqparat mınıstri.
