ازيا پارا ويىندارىندا ەرلەر اراسىندا 100 م قاشىقتىقتى براسس ستيلىمەن ءجۇزىپ ءوتۋ جارىسىندا قازاقستاندىق سپورتشى نۇرداۋلەت جۇماعالي التىن مەدال جەڭىپ الدى، دەپ حابارلايدى “ادىرنا” ۇلتتىق پورتالى.
ونىڭ ۋاقىت كورسەتكىشى 1: 05.92.
نۇرداۋلەتتى ازيا بىرىنشىلىگىندە تابىستى ونەر كورسەتۋىمەن قۇتتىقتايمىن. سپورتشىلاردى دايارلاۋمەن اينالىسقان جاتتىقتىرۋشىلاردىڭ جۇمىسىن ەرەكشە اتاپ وتكىم كەلەدى. قالعان جارىس كۇندەرىندە ءبىزدىڭ قۇراماعا ساتتىلىك تىلەيمىن، - دەدى تۋريزم جانە سپورت ءمينيسترى ەرمەك مارجىقپاەۆ.
بۇعان دەيىن سپورتشىلارىمىز ءتورت التىن جۇلدەنى جەڭىپ العان ەدى. ونىڭ ۇشەۋىن پارادزيۋدوشىلارىمىز يەلەندى. ال وسى جولى سۋعا جۇزۋدەن وتكەن جارىستا نۇرداۋلەت جۇماعالي 1 مينۋت 05.92 سەكۋندتتا 100 مەتردى براسس ستيلىمەن ءجۇزىپ ءوتتى. سىننان سۇرىنبەدى.
پاراازيادادا باسقا التىن جۇلدەنى پارا دزيۋدودان 73 كگ سالماقتا ونەر كورسەتكەن ولجاس ءورازالىۇلى (J2 ساناتى), ەرعالي شامەي، اقمارال ناۋاتبەك مەن پاۋەرليفتەر داۆيد دەگتيارەۆ جەڭىپ الدى.
