Azııa para oıyndarynda erler arasynda 100 m qashyqtyqty brass stılimen júzip ótý jarysynda qazaqstandyq sportshy Nurdáýlet Jumaǵalı altyn medal jeńip aldy, dep habarlaıdy “Adyrna” ulttyq portaly.
Onyń ýaqyt kórsetkishi 1: 05.92.
Nurdáýletti Azııa birinshiliginde tabysty óner kórsetýimen quttyqtaımyn. Sportshylardy daıarlaýmen aınalysqan jattyqtyrýshylardyń jumysyn erekshe atap ótkim keledi. Qalǵan jarys kúnderinde bizdiń quramaǵa sáttilik tileımin, - dedi Týrızm jáne sport mınıstri Ermek Marjyqpaev.
Buǵan deıin sportshylarymyz tórt altyn júldeni jeńip alǵan edi. Onyń úsheýin paradzıýdoshylarymyz ıelendi. Al osy joly sýǵa júzýden ótken jarysta Nurdáýlet Jumaǵalı 1 mınýt 05.92 sekýndtta 100 metrdi brass stılimen júzip ótti. Synnan súrinbedi.
Paraazıadada basqa altyn júldeni para dzıýdodan 73 kg salmaqta óner kórsetken Oljas Orazáliuly (J2 sanaty), Erǵalı Shameı, Aqmaral Naýatbek men paýerlıfter Davıd Degtıarev jeńip aldy.
