Foto: sport5.by
Qazaqstandyq tennisşı Elena Rybakina Tennis Abstract saraptamalyq platformasynyŋ mausymdyq yElo jäne jalpy Elo reitingterınde bırınşı orynǧa jaiǧasty. Būl turaly Sports.kz jazdy, dep habarlaidy "Adyrna".
Mausymdyq yElo körsetkışınde Rybakina 2166,8 ūpaimen köş bastap tūr. Ekınşı orynǧa 2146,1 ūpai jinaǧan reseilık Mirra Andreeva ornalassa, üzdık üştıktı 2144,0 ūpaiy bar amerikalyq Kori Gauff tüiındedı. Atalǧan reitingte qazaqstandyq sportşynyŋ enşısınde 54 jeŋıs pen 14 jeŋılıs bar.
Rybakina jalpy Elo reitingınde de üzdık atandy. Onyŋ körsetkışı – 2159,2 ūpai. Būl tızımde Belarus ökılı Arina Sobolenko 2139,0 ūpaimen ekınşı orynǧa tūraqtasa, Kori Gauff 2128,2 ūpaimen üşınşı satyǧa jaiǧasty.
Aita keteiık, reitingter 16 qaraşada jaŋartylǧan. yElo jüiesı tennisşılerdıŋ bır küntızbelık jyl ışındegı nätijelerın eskerıp, qarsylastarynyŋ şeberlıgı men ötkızgen matchtarynyŋ sanyna qarai ūpailardy esepteidı. Al jalpy Elo reitingı soŋǧy 52 aptadaǧy oiyn nätijelerıne negızdelgen.
Sonymen qatar Elena Rybakina WTA-nyŋ resmi reitingınde de bırınşı orynda tūr. 16 qaraşadaǧy mälımet boiynşa, qazaqstandyq tennisşınıŋ qorjynynda 8099 ūpai bar. Ol 7806 ūpai jinaǧan eŋ jaqyn qarsylasy Mirra Andreevany basyp ozyp, köşbasşylyq ornyn saqtap keledı.
Telereitingtı zertteuge auyl tūrǧyny qatyspaidy. Qazaqşa baǧdarlamalardyŋ ǧūmyry qysqa bolatyny da sondyqtan.
